2 Samuel 14:12 - An Bibel Kernewek 20234 (Kernewek Kemmyn)

¹² Ena an venyn a leveris, ‘Gas dha vaghteth, my a'th pys, dhe gewsel ger dhe'm arloedh an myghtern.’ Hag yn-medh ev, ‘Kows.’

2 Samuel 14:12 Iomraidhean Croise

Jenesis 18:27

Hag Abraham a worthybis, ‘Awotta lemmyn, my re vedhas kewsel orth an Arloedh, ha my doust ha lusu.

Jenesis 18:32

Hag ev a leveris, ‘Na vedhes an Arloedh serrys, ha my a vynn kewsel an torn ma yn unnsel. Martesen y fydh deg kevys ena.’ Hag yn-medh ev, ‘Ny wrav vy distrui rag deg.’

Jenesis 44:18

Ena Yuda dheuth nes dhodho ha leverel, ‘My a'th pys, ow arloedh, gas dha was dhe gewsel ger yn diwskovarn ow arloedh. Na wrello dha sorr leski erbynn dha was, rag kepar ha Faro osta.

2 Samuel 14:11

Ena yn-medh hi, ‘My a'th pys, perthes an myghtern kov a'n Arloedh dha Dhuw, ma na allo dialoryon an goes ladha arta, ha ny dhistruons ow mab.’ Yn-medh ev, ‘Dell vew an Arloedh, ny goedh blewenn vyth a'th vab dhe'n dor.’

2 Samuel 14:13

Ha'n venyn a leveris, ‘Ytho prag y tevisys yndella erbynn pobel Duw? Rag ow kewsel yndella, an myghtern a dhampen y honan, drefenn na dhre an myghtern dhe-dre arta an den a dhivroas.

2 Samuel 20:17

Ev a dheuth nes dhedhi, ha'n venyn a wovynnas, ‘Osta Yoab?’ Hag ev a worthybis ‘Ov.’ Ena hi a leveris, ‘Goslow orth geryow dha vaghteth.’ Hag ev a worthybis, ‘Yth esov ow koslowes.’

1 Myghternedh 2:14

Ena yn-medh ev, ‘Yma dhymm neppyth dhe leverel dhis.’ Yn-medh hi, ‘Kows.’

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Oberow 26:1

Yn-medh Agrippa dhe Powl, ‘Kummyas yw res dhis a gewsel a-barth dhis dha honan.’ Ena Powl a ystynnas y leuv ha gul y dhefens:

1 Samuel 25:24

Hi a goedhas orth y dreys, ha leverel, ‘Warnav vy ow honan, ow arloedh, bedhes an blam, my a'th pys, gas dha vaghteth dhe gewsel y'th tiwskovarn, ha klew geryow dha vaghteth.