2 Samuel 13:4 - An Bibel Kernewek 20234 (Kernewek Kemmyn)

⁴ Yn-medh ev dhodho, ‘A vab an myghtern, prag yth osta mar dhigolonnek myttin wosa myttin? A ny wre'ta leverel dhymm?’ Hag Amnon a worthybis dhodho, ‘My a gar Tamar, hwoer Absalom ow broder.’

2 Samuel 13:4 Iomraidhean Croise

2 Samuel 13:3

Mes yth esa dhe Amnon koweth ha'y hanow Yonadab mab Shimea, broder Davydh; ha Yonadab o gour pur fel.

2 Samuel 13:5

Yn-medh Yonadab dhodho, ‘Growedh war dha weli, hag omwra klav; ha pan dho dha das dhe'th weles, lavar dhodho, “My a'th pys, gas ow hwoer Tamar dhe dhos ha ri dhymm boes, ha pareusi an boes y'm golok, may hallav y weles ha'y dhybri dhiworth hy leuv” ’

1 Myghternedh 21:5

Y wreg Yezebel a dheuth dhodho ha leverel, ‘Prag yth os mar dhigolonn ma na vynnydh dybri?’

1 Myghternedh 21:7

Y wreg Yezebel a leveris dhodho, ‘A ny wovernydh Ysrael? Sav, deber, ha bydh lowenek; my a re dhis gwinlann Naboth an Yezreelyas.’

Ysay 3:9

Semlans aga fas a worthyp er aga fynn ha disklerya aga fegh avel Sodom; ny's kudhons. Go-i aga enevow! rag i re dhros drog warnedha aga honan.

Yeremia 8:12

Esa meth dhedha pan wrussons pyth kasadow? Na, ny's tevo meth vytholl, na ny's tevo rudha. Ytho i a wra koedha yn mysk an re a goedh: yn termyn aga hessydhyans i a vydh domhwelys, yn-medh an Arloedh.

Levitikus 18:9

Ny wredh diskudha noethedh dha hwoer, myrgh dha das, po myrgh dha vamm, genys tre po genys tyller arall kyn fe. Ny wredh diskudha aga noethedh.

Levitikus 20:17

Mar kemmer gour y hwoer, myrgh y das, po myrgh y vamm, ha gweles hy noethedh, ha mar kwel hi y noethedh ev, meth yw, hag i a vydh treghys dhe-ves a wel mebyon aga fobel. Ev re dhiskudhas noethedh y hwoer. Ev a dheg y gammweyth.

Mika 7:3

Aga diwla yw sleygh dhe wul drog; an penntern ha'n breusyas a wovynn falswober, an den galloesek a lever y vynnas, hag yndella brasa a wrons dh'y gowlwul.

Luk 12:32

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.