2 Samuel 13:14 - An Bibel Kernewek 20234 (Kernewek Kemmyn)

¹⁴ Mes ny vynnas goslowes orti; ha drefenn y vos kreffa agessi, ev a's defolas ha growedha gensi.

2 Samuel 13:14 Iomraidhean Croise

Jenesis 34:2

Ha Shekem mab Hamor an Hivyas, penntern an pow na, a's gwelas ha'y hemmeres ha growedha gensi ha'y uvelhe.

2 Samuel 12:11

Yndellma y lever an Arloedh: Awotta, my a dhrehav drog warnas yn-mes a'th chi; ha my a gemmer dha wragedh dherag dha dhewlagas, ha'ga ri dhe'th kentrevek, hag ev a wrowedh gans dha wragedh yn golok an howl ma.

2 Samuel 13:15

Ena Amnon a's kasas gans kas pur vras; ha'n gas a's kasas ganso, o brassa ages an gerensa ma's karsa gensi. Hag Amnon a leveris dhodho, ‘Sav yn-bann ha ke!’

Ester 7:8

Hware an myghtern a dhehwelis dhiworth lowarth an palys bys yn hel an kevewi; hag yth esa Haman ow koedha war an gweli-dydh le mayth esa Ester. Ytho yn-medh an myghtern, ‘A vynn ev hwath defola an vyghternes, ha hi genev y'm chi ow honan?’ Kettell asas an ger ganow an myghtern, i a gudhas fas Haman.

Levitikus 18:9

Ny wredh diskudha noethedh dha hwoer, myrgh dha das, po myrgh dha vamm, genys tre po genys tyller arall kyn fe. Ny wredh diskudha aga noethedh.

Dewteronomi 27:22

‘Mollothek yw ev neb a wrowedh gans y hwoer, myrgh y das, po myrgh y vamm.’ Ena oll an bobel a lever, ‘Amen.’

Breusysi 20:5

Gwer Gibea a sevis er ow fynn, hag a gylghyas an chi yn nos, ha'ga thowl o ow ladha, hag i a ravnas ow iswreg bys pan verwis.