2 Samuel 12:8 - An Bibel Kernewek 20234 (Kernewek Kemmyn)

⁸ My a ros dhis chi dha vester, ha gwragedh dha vester yn dha askra, ha ri dhis chi Ysrael ha Yuda; ha mar pe henna re vyghan, my a rosa dhis kemmys moy.

2 Samuel 12:8 Iomraidhean Croise

2 Samuel 12:11

Yndellma y lever an Arloedh: Awotta, my a dhrehav drog warnas yn-mes a'th chi; ha my a gemmer dha wragedh dherag dha dhewlagas, ha'ga ri dhe'th kentrevek, hag ev a wrowedh gans dha wragedh yn golok an howl ma.

2 Samuel 12:2

Yth esa dhe'n golusek niver bras a flokkys ha chatel;

2 Samuel 2:4

Ena gwer Yuda a dheuth, hag eno i a untyas Davydh myghtern war ji Yuda. Pan dherivsons orth Davydh, ‘An re a ynkleudhyas Sowl o gwer Yabesh-gilead’,

2 Samuel 5:5

Yn Hebron ev a reynyas war Yuda seyth blydhen ha hwegh mis; hag yn Yerusalem ev a reynyas war oll Ysrael ha Yuda trydhek blydhen warn ugens.

2 Samuel 7:19

Hwath tra vyghan o y'th wolok, A Arloedh Duw; ty re gewsis ynwedh a ji dha was rag termyn hir dhe dhos. Yw hemma dha fordh usadow a dhyghtya mab-den, A Arloedh Duw?

2 Samuel 9:7

Davydh a leveris dhodho, ‘Na borth own, rag my a dhiskwa tregeredh dhis rag Yonathan dha das; ha my a dhaskorr dhis oll tir a Sowl dha das, ha ty a dheber boes orth ow moes pup-prys.’

1 Myghternedh 2:22

Myghtern Solomon a worthybis hag a leveris dh'y vamm, ‘Prag y hwovynnydh Abishag an Shunammyades dhe vos res rag Adoniya? Govynn an wlaskor ragdho ev ynwedh. Rag ev yw ow hottha broder; govynn ragdho ev, ha rag Abiathar an oferyas, ha rag Yoab mab Seruya.’

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

1 Samuel 15:19

Ytho prag na obaysys lev an Arloedh? Prag y koedhsys war an preydh, ha gul drog yn golok an Arloedh?’