2 Samuel 12:31 - An Bibel Kernewek 20234 (Kernewek Kemmyn)

³¹ Ev a dhros yn-mes an bobel esa ynni, ha'ga settya dhe lavur gans heskennow, ha pigellow a horn, ha boelyow a horn, hag ev a's gorras dhe lavur orth an kowynnow-brykk. Yndella y hwrug dhe oll sitys an Ammonysi. Ena Davydh hag oll an bobel a dhehwelis dhe Yerusalem.

2 Samuel 12:31 Iomraidhean Croise

2 Samuel 8:2

Ev a fethas Moab ynwedh, hag ev a's gwrug dhe wrowedha war an leur ha'ga musura der an gordenn-vusura; ev a vusuras diw gordenn dhe worra dhe'n mernans, hag unn kordenn leun dhe witha yn few. Hag yndellma Moab eth ha bos gostydh dhe Davydh, ow tri trubyt dhodho.

1 Kroniklys 20:2

Davydh a gemmeras kurun aga duw Milkom dhiworth y benn ha kavoes hi dhe boesa talent a owr, hag yth esa ynni men drudh; ha hi a veu gorrys war benn Davydh. Ynwedh ev a dhros myns pur vras a breydh yn-mes a'n sita, myns pur vras.

1 Kroniklys 20:3

Ev a dhros yn-mes an bobel esa ynni, ha'ga settya dhe oberi gans heskennow ha pigellow a horn ha boelyow; yndella Davydh a wrug dhe oll sitys an Ammonysi. Ena Davydh hag oll an bobel a dhehwelis dhe Yerusalem.

Yeremia 43:9

Kemmer y'th leuv meyn bras, ha'ga ynkleudhyas y'n leur a bri usi orth daras chi Faro yn Tahpanhes, yn golok gwer Yuda,

Amos 1:13

Yndellma y lever an Arloedh: Rag tri hammweythres a vebyon Ammon, ha rag peswar, ny wrav vy hepkorr an kessydhyans; drefenn i dhe skwardya gwragedh gans flogh yn Gilead, mayth efannens aga amal.

Amos 1:14

Ytho my a worr tan yn fos Rabba, dhe dhevorya hy falesyow gans garm yn dydh an gas, gans annawel yn dydh an korwyns;

Amos 1:3

Yndellma y lever an Arloedh: Rag tri hammweythres a Damaskus, ha rag peswar, ny wrav vy hepkorr an kessydhyans; drefenn i dhe dhrushya Gilead gans draylellow-drushya a horn.

Ebrowyon 11:37

Labydhys vons, heskennys vons yn dew, ledhys vons dre gledha; i a gerdhi yn kreghyn deves ha gever, edhommek, duwenhes, tebeldhyghtys

Yoshua 10:15

Ena Yoshua a dhehwelis, hag oll Ysrael ganso, dhe'n kamp yn Gilgal.