2 Samuel 12:17 - An Bibel Kernewek 20234 (Kernewek Kemmyn)

¹⁷ Henavogyon y ji a sevis a-ughto, dh'y dhrehevel dhiworth an dor; mes ny vynnas, na ny dhybris boes gansa.

2 Samuel 12:17 Iomraidhean Croise

Jenesis 24:2

Hag yn-medh Abraham dh'y servont, an kottha a'y vayni esa ow rewlya war bup-tra esa dhodho, ‘Gorr dha leuv yn-dann ow mordhos, my a'th pys,

Jenesis 37:35

Hag oll y vebyon hag oll y vyrghes a sevis rag y gonfortya mes ev a skonyas a vos konfortys, hag ev a leveris, ‘My a vynn mos yn-nans dhe'n bedh dhe'm mab, ow kyni.’ Ha'y das a oelas ragdho.

2 Samuel 12:18

Y'n seythves dydh an mab a verwis. Ha gwesyon Davydh a borthas own a dherivas orto bos y vab marow; rag i a leveris, ‘Awotta, pan o an mab yn few, ni a gewsis dhodho, ha ny woslowas orthyn; ytho fatell yllyn derivas orto bos y vab marow? Ev a wra neppyth drog dhodho y honan.’

2 Samuel 3:35

Ena oll an bobel a dheuth dhe wul dhe Davydh dybri boes pan o hwath dydh; mes Davydh a dos, ha leverel, ‘Yndella re wrello Duw dhymm, ha moy ynwedh, mar plasav bara po neppyth arall kyns an howl dhe sedhi!’

Salmow 102:4

Gweskys yw ow holonn ha gwedhrys avel gwels; mayth ankovav dybri ow bara.

Daniel 6:18

19 Ena yth eth an myghtern dh'y balys, ha tremena an nosweyth heb dybri; nyns esa didhenyow dres a-dheragdho, ha kosk a deghas dhiworto.

1 Samuel 28:23

Mes ev a skonyas, ha leverel, ‘Ny vynnav dybri.’ Mes y wesyon, war-barth gans an venyn, a ynnias warnodho; hag ev a woslowas orth aga lev. Ytho ev a sevis a-dhiwar an dor hag esedha war an gweli.