2 Samuel 12:11 - An Bibel Kernewek 20234 (Kernewek Kemmyn)

¹¹ Yndellma y lever an Arloedh: Awotta, my a dhrehav drog warnas yn-mes a'th chi; ha my a gemmer dha wragedh dherag dha dhewlagas, ha'ga ri dhe'th kentrevek, hag ev a wrowedh gans dha wragedh yn golok an howl ma.

2 Samuel 12:11 Iomraidhean Croise

2 Samuel 15:10

Mes Absalom a dhannvonas aspioryon der oll loethow Ysrael, ha leverel, ‘Kettell glewowgh son an hirgorn, ena germewgh, “Absalom a reyn yn Hebron.” ’

2 Samuel 15:14

Ena Davydh a leveris dhe oll y wesyon esa ganso yn Yerusalem, ‘Sevewgh, ha fiyn; poken ny dhienkyn dhiworth Absalom. Fistenewgh, po ev a dremen dreson a-dhesempis, ha dri drog warnan, ha gweskel an sita gans min an kledha.’

2 Samuel 15:6

Absalom a wre hemma dhe oll tus Ysrael a dho dhe'n myghtern rag breus; yndellma Absalom a ladras kolonnow gwer Ysrael.

2 Samuel 16:11

Ena Davydh a leveris dhe Abishay, ha dhe oll y wesyon, ‘Awotta, ow mab, neb a dheuth yn-mes a'm kolodhyon vy, a hwila ow bewnans; pygemmys moy lemmyn y hyll an Benyaminyas ma y wul! Gesewgh ev dhodho y honan, ha gesewgh ev dhe vollethi; rag an Arloedh re worhemmynnis dhodho.

Job 31:10

ena re vallo ow gwreg rag den arall, ha re kosko gwer erell gensi.

Ezekiel 14:9

Mars yw an profoes dynys dhe gewsel ger, yth yw my, an Arloedh, neb re dhynyas an profoes na, ha my a ystynn ow leuv er y bynn ha'y dhistrui a-dhiworth ow fobel Ysrael.

Dewteronomi 17:17

Na vedhes dhodho y honan benynes pals, ma na dreyl y golonn a-denewen; na kavoes dhodho y honan meur a arghans hag owr.

Dewteronomi 28:30

Ty a vydh ambosys dhe venyn, ha gour arall a's defol; ty a dhrehav chi, mes ny drigydh ynno; ty a blans gwinlann, mes ny wredh devnydh anedhi.