2 Samuel 12:10 - An Bibel Kernewek 20234 (Kernewek Kemmyn)

¹⁰ Rakhenna ny dreyl an kledha nevra dhiworth dha ji, rag ty re'm dispresyas, ha kemmeres gwreg Uria an Hittyas dhe vos dha wreg.

2 Samuel 12:10 Iomraidhean Croise

Jenesis 20:3

Mes Duw a dheuth dhe Abimelek yn hunros yn nos ha leverel dhodho, ‘Awotta, den marow osta, drefenn an venyn re wruss'ta kemmeres; rag demmedhys yw hi dhe wour.’

2 Samuel 18:33

Ha'n myghtern a veu movyes yn feur, hag ev eth yn-bann dhe'n chambour a-ugh an yet hag oela; hag y leveri, hag ev ow mos, ‘A ow mab Absalom! Ow mab, ow mab Absalom! Unnweyth a marwen yn dha le, A Absalom, ow mab, ow mab!’

1 Myghternedh 15:5

drefenn Davydh dhe wul an pyth o ewn yn golok an Arloedh ha ny dreylyas a-denewen a dravyth a worhemmynnis dydhyow oll y vewnans, marnas yn mater Uria an Hittyas.

Lavarow Koth 17:13

Mar attal nebonan drog rag da, nyns a drog nevra dhiworth y ji.

Amos 7:9

Tylleryow ughel Ysak a vydh forsakys, ha sentris Ysrael a vydh difeythys ha my a sev erbynn chi Yeroboam gans an kledha.

Niverow 11:20

mes mis kowal, bys pan dheu yn-mes a'gas frigow hag a dheu ha bos kasadow dhywgh, rag hwi dhe nagha an Arloedh usi yn agas mysk, hag oela a-ragdho, ow leverel, “Prag y teuthen yn-mes a Ejyp?” ’

Matthew 26:52

Ena Yesu a leveris dhodho, ‘Gorr dha gledha yn y le arta, rag oll an re a gemmer an kledha, der an kledha y ferwons.

Matthew 6:24

‘Ny yll denvyth servya dew vester; rag poken ev a gas an eyl ha kara y gila, po lel yw dhe'n eyl hag ev a dhispres y gila. Ny yllowgh servya ha Duw ha mammon.

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

1 Samuel 2:30

Rakhenna an Arloedh, Duw Ysrael a dhiskler: “My a leveris yn hwir dha ji ha chi dha das dhe gerdhes a-dheragov bys vykken”; mes lemmyn an Arloedh a dhiskler: “Pell bedhes dhiworthiv; rag an re neb a'm enor my a enor, ha'n re neb a'm dispres a vydh dyghtys gans bismer.