2 Samuel 12:1 - An Bibel Kernewek 20234 (Kernewek Kemmyn)

¹ An Arloedh a dhannvonas Nathan dhe Davydh. Ev a dheuth dhodho, ha leverel dhodho, ‘Yth esa dew wour yn neb unn sita, an eyl rych ha'y gila boghosek.

2 Samuel 12:1 Iomraidhean Croise

2 Samuel 11:25

Yn-medh Davydh dhe'n gannas, ‘Yndella ty a lever dhe Yoab, “Na vedhes an dra ma drog y'th wolok, rag an kledha a dheber an eyl kepar ha'y gila; krevha dha vatel orth an sita, ha'y domhwel.” Ha kennerth e.’

2 Samuel 12:2

Yth esa dhe'n golusek niver bras a flokkys ha chatel;

2 Samuel 14:14

Yn sur ni oll a verow, kepar ha dowr skoellys war an dor, na yll bos kuntellys. Mes Duw ny gemmer bewnans dhe-ves; yn le henna ev a dhevis fordhow

2 Samuel 7:17

Herwydh oll an geryow ma, ha war-lergh oll an welesigeth ma, yndellma y kewsis Nathan dhe Davydh.

1 Myghternedh 1:8

Mes Sadok an oferyas, ha Benaya mab Yehoyada, ha Nathan an profoes, ha Shimei, ha Rei, ha kasoryon Davydh, nyns esens gans Adoniya.

1 Myghternedh 13:1

Dre er an Arloedh gour Duw a dheuth yn-mes a Yuda dhe Bethel, ha Yeroboam a'y sav ryb an alter rag leski offrynn.

1 Myghternedh 18:1

Wosa lies dydh ger an Arloedh a dheuth dhe Elias, yn tressa blydhen an syghor, ow leverel, ‘Ke, omdhiskwedh dhe Ahab, ha my a dhannvon glaw war an nor.’

1 Myghternedh 21:18

Sav, ke ha metya gans Ahab myghtern Ysrael, usi yn Samaria; yma ev lemmyn yn gwinlann Naboth, le mayth eth rag kemmeres perghennogeth.

1 Myghternedh 4:5

Azaria mab Nathan esa a-ugh an governours; Zabud mab Nathan o oferyas ha koweth an myghtern;

2 Myghternedh 1:3

Mes el an Arloedh a leveris dhe Elias an Tishbeyas, ‘Sav, yskynn dhe vetya orth kannasow myghtern Samaria ha govynn orta, “Yw drefenn nag eus Duw yn Ysrael mayth ewgh dhe wovynn orth Baal-zebub, duw Ekron?”

1 Kroniklys 29:29

Lemmyn gweythresow Davydh an myghtern, a dhalleth y reyn bys y'n diwedh, skrifys yns yn kovadhow Samuel an gwelesydh, hag yn kovadhow Nathan an profoes, hag yn kovadhow Gad an gwelesydh,

Ysay 39:3

Ena Ysay an profoes a dheuth dhe vyghtern Hezekia, hag yn-medh ev dhodho, ‘Pandr'a leveris an wer ma hag a-ble teuthons dhis?’ Yn-medh Hezekia, ‘Dhiworth gwlas pell y teuthons dhymm, dhiworth Babylon.’