2 Samuel 11:21 - An Bibel Kernewek 20234 (Kernewek Kemmyn)

²¹ Piw a weskis Abimelek mab Yerub-besheth? A ny wrug benyn tewlel men-melin a-wartha warnodho dhiworth an fos may ferwis yn Thebes? Prag y teuthewgh nes dhe'n fos?” ena lavar, “Dha was Uria an Hittyas yw marow ynwedh.” ’

2 Samuel 11:21 Iomraidhean Croise

2 Samuel 11:17

Pan dheuth gwer an sita yn-mes, ha batalyas orth Yoab: rann a'n bobel dhiworth wesyon Davydh a goedhas; hag Uria an Hittyas a verwis ynwedh.

2 Samuel 11:20

mar pydh sorr an myghtern drehevys, hag ev a lever dhis, “Prag y teuthewgh mar nes dhe'n sita dhe vatalyas? A ny wodhvewgh i dhe denna dhiworth an fos?

2 Samuel 11:22

Ytho, an gannas eth, ha dos ha derivas orth Davydh pup-tra a wrussa Yoab y dhannvon dhe dherivas.

2 Samuel 3:27

Pan dhehwelis Abner dhe Hebron, Yoab a'n kemmeras a-denewen yn kres an yet dhe gewsel ganso yn kosel, hag ev a'n gweskis ena yn y dorr. Ytho ev a verwis rag goes Asahel y vroder.

2 Samuel 3:34

Dha dhiwla, nyns ens kelmys, na dha dhewdroes synsys yn kargharow; kepar dell goedh den dherag mebyon sherewneth ty re goedhas.’ Hag oll an bobel a oelas warnodho arta.

Salmow 39:8

Gwra ow delivra dhiworth ow hammwriansow oll. Na wra dhymm bos skorn an den foll.

Ysay 14:10

I oll a'th worthyp ha leverel dhis, ‘Ty ynwedh yw ydhil avelon, ty yw devedhys ha bos haval dhyn.’

Breusysi 6:32

Ytho y'n jydh na Gideon a veu henwys Yerubbaal, henn yw dhe leverel, ‘Strives Baal er y bynn’, drefenn ev dhe denna y alter yn-nans.

Breusysi 7:1

Ena Yerubbaal (henn yw Gideon) hag oll an bobel esa ganso a sevis yn-bann a-varr hag a gampyas ryb fenten Harod; hag yth esa kamp Midyan a'n gledhbarth dhedha, ryb bre More, y'n nans.