2 Samuel 11:2 - An Bibel Kernewek 20234 (Kernewek Kemmyn)

² Yn neb unn gorthugher Davydh a sevis a'y weli ha kerdhes a-dro war do chi an myghtern, ha dhiworth an to ev a welas benyn owth omwolghi; ha semlans an venyn o pur deg.

2 Samuel 11:2 Iomraidhean Croise

Jenesis 12:11

Pan dheuth nes rag entra yn Ejyp, yn-medh ev dhe Saray y wreg, ‘Otta, my a woer dha vos benyn teg dhe weles.

Jenesis 3:6

Ha'n venyn, pan welas bos an wydhenn da rag boes, ha'y bos teg dhe'n dewlagas, ha gwydhenn dhesiradow dhe wul den fur, hi a gemmeras nebes a'y frut ha dybri; ha hi a ros ynwedh dh'y gour esa gensi, hag ev a dhybris.

Jenesis 34:2

Ha Shekem mab Hamor an Hivyas, penntern an pow na, a's gwelas ha'y hemmeres ha growedha gensi ha'y uvelhe.

Jenesis 39:6

Ytho ev a asas pup-tra esa dhodho yn dorn Yosep ha nyns esa dhodho bern a dravyth marnas a'n bara esa ow tybri. Ha Yosep o teg y semlans ha teg dhe weles.

Jenesis 6:2

mebyon Duw a welas myrghes mab-den ha'ga bos teg, hag i a gemmeras dhedha aga honan gwragedh a vyns anedha a dhewissons.

2 Samuel 13:1

Wosa henna, yth esa dhe Absalom mab Davydh hwoer deg, ha'y hanow Tamar; hag Amnon mab Davydh a's kara.

2 Samuel 14:27

Tri mab a veu dineythys dhe Absalom, hag unn vyrgh, ha'y hanow Tamar; hi o benyn deg hy semlans.

2 Samuel 4:5

Lemmyn mebyon Rimmon a Beeroth, Rekab ha Baana, eth, ha dos a-dro dhe doemmder an jydh dhe ji Ish-bosheth, hag ev ow krowedha war y weli y'n hanter-dydh.

2 Samuel 4:7

Pan dheuthons a-bervedh y'n chi hag ev ow krowedha war y weli yn y jambour, i a'n gweskis, ha'y ladha, ha'y dhibenna. Ena i a gemmeras y benn ha mones dre fordh an Araba oll an nos.

Job 31:1

‘My re wrug kevambos gans ow dewlagas, na virsen yn unn hwansa orth gwyrghes.

Salmow 119:37

Treyl ow dewlagas dhe-ves, ma na wellons euveredh; bewha vy y'th fordh.

Lavarow Koth 19:15

Sygerneth a dewl yn kosk down, ha'n enev diek a berth nown.

Lavarow Koth 31:30

Gras a doell, ha tekter yw euver, mes benyn a berth own a'n Arloedh yw dhe vos gormelys.

Lavarow Koth 6:25

Na yeun war-lergh hy thekter y'th kolonn, ha na as hi dhe'th synsi gans blewennow hy dewlagas;

Lavarow Koth 7:8

ow tremena der an stret yn ogas dh'y hornell, owth holya an fordh dh'y chi,

Yeremia 19:13

ha chiow Yerusalem, ha chiow myghternedh Yuda, a vydh defolys kepar ha tyller Tofeth, oll an chiow may losksons offrynnow war aga thohow dhe oll lu nev, ha dinewi offrynnow diwes dhe dhuwow erell.

Matthew 10:27

An dra a dherivav dhywgh y'n tewlder henna leverewgh y'n golow, ha'n dra a glewowgh hwystrys y'n skovarn gwrewgh y arma war bennow an chiow.

Matthew 24:17

neb usi war do an chi na wres diyskynna rag kyrghes neppyth yn-mes a'y ji,

Matthew 5:28

Mes my a lever dhywgh, Neb a vir orth benyn gans drokhwans re wrug avoutri seulabrys gensi yn y golonn.

Oberow 10:9

Ternos, hag i ow vyajya hag ow nesa dhe'n sita, Peder a yskynnas dhe'n to rag pysi, a-dro dhe'n hweghves eur.

Dewteronomi 22:8

Pan dhrehevydh chi nowydh, y hwredh fos-witha rag dha do, ma na worrydh goes y'th chi mar koedh nebonan dhiworto.

Dewteronomi 5:21

Na hwans benyn dha gentrevek. Na yeun chi dha gentrevek, na'y wel, na'y was, na'y vaghteth, na'y ojyon, na'y asen, na travyth eus dhe'th kentrevek.

1 Peder 4:7

Gorfenn pup-tra re dheuth nes; ytho bedhewgh doeth ha sad orth pysadow.

1 Yowann 2:16

Rag pup-tra eus y'n bys, lust an kig ha lust an lagasow ha goeth bewnans, nyns esons a'n Tas mes a'n bys.

1 Samuel 9:25

Wosa i dhe dhos yn-nans a-dhiworth tyller ughel an sita, gweli a veu lesys rag Sowl war an to.