2 Samuel 11:15 - An Bibel Kernewek 20234 (Kernewek Kemmyn)

¹⁵ Y'n lyther ev a skrifas, ‘Sett Uria y'n voward, y'n kalessa omladh. Ena omdenn a-dhiworto, may fydh ev gweskys, ha merwel.’

2 Samuel 11:15 Iomraidhean Croise

2 Samuel 11:16

Pan esa Yoab owth omsettya a-dro dhe'n sita, ev a settyas Uria yn tyller may hwodhya bos gwer an eskar an moyha nerthek.

2 Samuel 11:17

Pan dheuth gwer an sita yn-mes, ha batalyas orth Yoab: rann a'n bobel dhiworth wesyon Davydh a goedhas; hag Uria an Hittyas a verwis ynwedh.

2 Samuel 12:9

Prag y tispressys ger an Arloedh, dhe wul an drog yn y wolok? Ty re weskis Uria an Hittyas gans an kledha, ha kemmeres y wreg dhe vos dha wreg, ha'y ladha gans kledha an Ammonysi.

1 Myghternedh 15:5

drefenn Davydh dhe wul an pyth o ewn yn golok an Arloedh ha ny dreylyas a-denewen a dravyth a worhemmynnis dydhyow oll y vewnans, marnas yn mater Uria an Hittyas.

Salmow 51:14

Gwra ow delivra dhiworth kabel-goes, A Dhuw, ty Dhuw ow selwyans; ha'm taves a gan yn lowen a'th ewnder.

Salmow 51:4

Er dha bynn jy, ty dha honan, y peghis vy ha gul an drogober ma y'th wolok, rag may fes justifiys y'th lavar, ha divlam y'th vreus.

Ekklesiastes 8:11

Pan nag eus breus gwrys a-dhesempis rag neb drogober, kennerthys yw kolonn mebyon den dhe wul drog.

Yeremia 17:9

An golonn yw fel dres pup-tra, ha drog dres remedi: piw a's aswonn?

Yeremia 20:13

Kenewgh dhe'n Arloedh, gormelewgh an Arloedh! Rag ev re dhelivras enev an boghosek a-dhiworth leuv an dhrogoberoryon.

1 Samuel 18:17

Ena Sowl a leveris dhe Davydh, ‘Otta ow hottha myrgh Merab, my a vynn hy ri dhis avel gwreg; mes bydh kolonnek ragov, ha batal batelyow an Arloedh.’ Rag Sowl a dybis, ‘Ny vynnav sevel ow leuv er y bynn, mes bedhes leuv an Filistysi warnodho.’

1 Samuel 18:21

Ha Sowl a dybis, ‘My a vynn hy ri dhodho rag may hyll hi dos ha bos antell ragdho, ha may hyll bos leuv an Filistysi warnodho.’ Rakhenna Sowl a leveris dhe Davydh unnweyth arta, ‘Ty a vydh ow deuv an jydh ma.’

1 Samuel 18:25

Ena Sowl a leveris, ‘Yndella y leverewgh dhe Davydh, “Ny vynn an myghtern ro demmedhyans vyth marnas kans kudhgenn a'n Filistysi, dhe dyli dial war eskerens an myghtern.” ’ Mes towl Sowl o gul Davydh dhe goedha dre leuv an Filistysi.