2 Samuel 11:11 - An Bibel Kernewek 20234 (Kernewek Kemmyn)

¹¹ Hag yn-medh Uria dhe Davydh, ‘Yma an argh hag Ysrael ha Yuda trigys yn skovvaow; hag yma ow arloedh Yoab ha gwesyon ow arloedh ow kampya y'n gwel; a wrav vi ytho mones dhe'm chi, dhe dhybri hag eva, ha growedha gans ow gwreg? Kepar dell vewydh, ha dha enev a vew, ny vynnav gul tra a'n par na.’

2 Samuel 11:11 Iomraidhean Croise

2 Samuel 11:10

Pan dherivsons orth Davydh, ‘Ny wrug Uria mones yn-nans dh'y ji’, Davydh a leveris dhe Uria, ‘A ny dheuthys dhiworth vyaj? Prag na wruss'ta mones yn-nans dhe'th chi?’

2 Samuel 14:19

Ha'n myghtern a leveris, ‘A nyns usi leuv Yoab genes yn oll hemma?’ Ha'n venyn a worthybis ha leverel, ‘Kepar dell vewydh, ow arloedh an myghtern, ny yllir treylya dhe'n dyghow na dhe'n kledh dhiworth travyth re leveris ow arloedh an myghtern. Rag dha was Yoab, ev a erghis dhymm, hag ev a worras oll an geryow ma yn ganow dha vaghteth.

2 Samuel 20:6

Yn-medh Davydh dhe Abishay, ‘Lemmyn Sheba mab Bikri a wra moy drog dhyn es dell wrug Absalom. Kemmer gwesyon dha vester ha'y helghya, poken ev a gyv ragdho sitys krev, ha diank ahanan.’

2 Samuel 7:2

an myghtern a leveris dhe Nathan an profoes, ‘Mir lemmyn, yth esov trigys yn chi a geder, mes argh Duw a drig a-ji dhe groglennow.’

2 Samuel 7:6

Ny drigis yn chi a-dhia'n jydh may tres mebyon Ysrael yn-bann yn-mes a Ejyp, mes bys y'n jydh hedhyw, my re beu ow kerdhes a-dro yn tylda hag yn tabernakel.

Niverow 32:6

Mes Moyses a leveris dhe vebyon Gad ha dhe vebyon Rewben, ‘A wra dha vreder mos dhe vresel, ha hwi esedhys omma?

Yowann 13:14

Ytho mar kwrugavy, agas Mester ha'gas Arloedh, golghi agas treys, peub ahanowgh ynwedh a dal golghi treys y gila.

2 Timothi 2:12

Mar kwren ni durya, kesreynya ynwedh ganso a wren; mar skonyn, ev ynwedh a wra agan skonya ni.

1 Samuel 1:26

Hag yn-medh hi, ‘Ow arloedh, kepar dell vewydh, ow arloedh, yth ov vy an venyn esa sevys rybos omma, ow pysi war an Arloedh.

1 Samuel 14:18

Ena Sowl a leveris dhe Ahiya, ‘Dro omma argh Duw.’ Rag y'n termyn na yth esa argh Duw gans mebyon Ysrael.

1 Samuel 17:55

Ha pan welas Sowl bos Davydh ow mos yn-rag erbynn an Filistyas, ev a leveris dhe Abner, kaslewydh an lu, ‘Abner, piw yw an gour yowynk ma mab dhodho?’ Hag yn-medh Abner, ‘Dell vew dha enev, A vyghtern, ny wonn.’

1 Samuel 20:3

Mes ynwedh Davydh a dos, ‘Dha das a woer yn ta my dhe gavoes gras y'th wolok; hag ev a breder, “Na as Yonathan dhe wodhvos hemma, po ev a vydh grevys.” Mes yn gwiryonedh, dell vew an Arloedh ha dell vewydh dha honan, yma saw kamm yntredhov ha mernans.’

1 Samuel 25:26

‘Ha lemmyn, ow arloedh, dell vew an Arloedh, ha dell vewydh dha honan, drefenn an Arloedh dhe'th lettya rag kabel-goes ha diella dre dha leuv dha honan, lemmyn ytho gas dha eskerens, ha'n re neb a hwila gul drog dhe'm arloedh, bos kepar ha Nabal.

1 Samuel 4:4

Ytho an bobel a dhannvonas dhe Shilo, rag may trens alena argh kevambos Arloedh an luyow neb a drig ynter an cherubim. Hag yth esa dew vab Eli, Hofni ha Finehas, ena gans argh kevambos an Arloedh.