2 Samuel 11:1 - An Bibel Kernewek 20234 (Kernewek Kemmyn)

¹ Yn gwenton an vlydhen, y'n termyn mayth a myghternedh yn-rag dhe vatalyas, Davydh a dhannvonas Yoab ha'y wesyon ganso, hag oll Ysrael; hag i a dhistruis an Ammonysi, hag omsettya a-dro dhe Rabba. Mes Davydh a wortas yn Yerusalem.

2 Samuel 11:1 Iomraidhean Croise

2 Samuel 10:14

Pan welas an Ammonysi Aram dhe fia, i ynwedh a fias a-dherag Abishay, hag entra a-ji dhe'n sita. Ena Yoab a dhehwelis dhiworth an Ammonysi, ha dos dhe Yerusalem.

1 Myghternedh 20:22

Ena an profoes a dheuth nes dhe vyghtern Ysrael ha leverel dhodho, ‘Deus, omgrevha, hag ombreder yn ta an pyth a wredh; rag y'n gwenton myghtern Aram a dheu arta er dha bynn.’

1 Myghternedh 20:26

Y'n gwenton Ben-hadad a guntellas Aram ha mos bys yn Afek rag batalyas orth Ysrael.

1 Kroniklys 20:1

Orth treylyans an vlydhen, an termyn mayth a myghternedh yn-mes dhe vatalyas, Yoab a ledyas an lu yn-mes, ha gwastya tir an Ammonysi ha dos hag omsettya a-dro dhe Rabba. Mes myghtern Davydh a wortas yn Yerusalem. Yoab a weskis Rabba ha'y domhwel.

2 Kroniklys 36:10

Yn gwenton an vlydhen myghtern Nebukadnessar a dhannvonas ha'y dhri dhe Babylon, war-barth ha lestri drudh chi an Arloedh, hag a wrug y vroder Sedekia myghtern war Yuda ha Yerusalem.

Salmow 60:9

Piw a'm dre a-berth y'n dinas krev? Piw a'm hembronk bys yn Edom?

Ekklesiastes 3:8

Prys kara ha prys kasa; prys bresel ha prys kres.

Yeremia 49:2

Rakhenna otta, an dydhyow a dheu, yn-medh an Arloedh, pan wrav an arm a vatel dhe vos klewys erbynn Rabba a'n Ammonysi; y fydh krug difeyth, ha'y threvow a vydh leskys gans tan; ena Ysrael a dhiserit an re a wrug y dhiserita ev, yn-medh an Arloedh.

Yeremia 49:3

Oul, A Heshbon, rag Ay yw gwastys! Kriewgh, A vyrghes Rabba, Omwrogysewgh gans yskar, galarewgh, ha poenyewgh omma hag ena ryb an keow. Rag Milkom a yn divroedh, war-barth gans y oferysi ha'y bennsevigyon.

Ezekiel 21:20

Gwra fordh rag kledha dhe dhos erbynn Rabba an Ammonysi, hag erbynn Yuda, hag erbynn Yerusalem yn hy kres.

Amos 1:14

Ytho my a worr tan yn fos Rabba, dhe dhevorya hy falesyow gans garm yn dydh an gas, gans annawel yn dydh an korwyns;

Zekaria 14:3

Ena an Arloedh a dheu yn-mes, ha batalyas orth an kenedhlow na kepar dell wra batalyas yn dydh an gas.

Dewteronomi 3:11

Rag ny veu gesys saw unnsel Og myghtern Bashan dhiworth remenant an Refaim. Otta, y weli o gweli a horn: a nyns usi yn Rabbath a vebyon Ammon? Naw kevelin yw y hys ha peswar kevelin y les, war-lergh kevelin gour.

1 Samuel 18:30

Ena pennhembrenkysi an Filistysi a dheuth yn-mes dhe vatalyas; ha peskweyth may hwrens i dos yn-mes, Davydh a seweni moy ages oll gwesyon Sowl, may teuth ha bos y ger-da pur vras.