2 Samuel 10:6 - An Bibel Kernewek 20234 (Kernewek Kemmyn)

⁶ Pan welas an Ammonysi i dhe vos kasadow dherag Davydh, an Ammonysi a dhannvonas hag arveth Aramysi Beth-rehob hag Aramysi Soba, ugens mil droesek, ha dhiworth myghtern Maaka mil wour, ha dhiworth governour Tob, dewdhek mil wour.

2 Samuel 10:6 Iomraidhean Croise

Jenesis 34:30

Hag yn-medh Yakob dhe Simeon ha Levi, ‘Hwi re dhros anfeusi warnav, ow kul dhymm flerya yn mysk trigoryon an pow, yn mysk an Kananysi ha'n Perizzysi. Boghes yw niver ow thus vy, hag i a vydh kuntellys war-barth er ow fynn ha'm diswul; ha my ha'm chi a vydh distruys.’

2 Samuel 10:5

Pan veu derivys orth Davydh, ev a dhannvonas dh'aga metya, rag an wer a berthi meth bras. Yn-medh an myghtern, ‘Gortewgh yn Yeriko bys pan vo agas barvow tevys, hag ena dehwelewgh.’

2 Samuel 10:7

Pan glewas Davydh anodho, ev a dhannvonas Yoab hag oll lu an gasoryon.

2 Samuel 16:21

Yn-medh Ahithofel dhe Absalom, ‘Ke a-ji dhe iswragedh dha das, re asas dhe witha an chi; hag oll Ysrael a glew ty dhe wul dha honan kasadow gans dha das, ena diwla peub eus genes a vydh krevhes.’

2 Samuel 23:34

Elifelet mab Ahasbay, mab an Maakathyas, Eliam mab Ahithofel an Gilonyas,

2 Samuel 8:12

dhiworth Aram, ha Moab, ha dhiworth Ammon, ha'n Filistysi, hag Amalek, ha dhiworth preydh Hadadezer mab Rehob, myghtern Soba.

2 Samuel 8:3

Davydh ynwedh a weskis Hadadezer mab Rehob, myghtern Soba, pan esa ow mos dhe dhaskavoes y vaystri ryb an avon Ewfrates.

2 Samuel 8:5

Pan dheuth Aramysi Damaskus dhe weres Hadadezer myghtern Soba, Davydh a ladhas dew vil warn ugens a wer a Aram.

1 Myghternedh 11:24

Ev a guntellas gwer dhodho ha dos ha bos kapten bagas preydhoryon, wosa an ladhva gans Davydh; i eth dhe Damaskus ha triga ena ha gul dhodho bos myghtern yn Damaskus.

2 Myghternedh 7:6

Rag an Arloedh re wrussa dhe lu Aram klewes son charettow, son mergh, ha son lu bras, may lavarsons an eyl dh'y gila, ‘Otta, myghtern Ysrael re wobrenas er agan pynn myghternedh an Hittysi, ha myghternedh Ejyp dhe vatalyas orthyn.’

Salmow 48:4

Rag otta, an vyghternedh a omguntellas, i a dremenas war-barth.

Eksodus 5:21

hag y lavarsons dhedha, ‘An Arloedh re virro warnowgh ha breusi, drefenn hwi re wrug dhyn bos kasadow yn dewlagas Faro ha'y servysi, ha gorra kledha yn aga dorn dh'agan ladha.’

Lavarow Koth 25:8

na's dro yn fysk dhe'n vreuslys, rag pandr'a wredh y'n diwedh pan y'th sham dha gentrevek?

Yeremia 40:8

i a dheuth dhe Gedalia, dhe Mispa, Yshmael mab Nethania, Yohanan mab Kareagh, Seraya mab Tanhumeth, mebyon Efay an Netofathyas, Yezania mab an Maakathyas, i ha'ga gwer.

Yeremia 46:21

Ynwedh hy gwer arvethys yn hy kres yw avel leughi peskys; rag i ynwedh re dreylyas ha fia war-barth, ny sevsons; rag dydh aga therroes re dheuth warnedha, ha termyn aga hessydhyans.

Dewteronomi 3:14

Yair mab Manasse a gemmeras oll tiredh Argob bys yn ordir an Geshurysi ha'n Maakatysi, ha Bashan a veu henwys ganso Havvoth-yair war-lergh y hanow y honan, dell yw bys y'n jydh hedhyw.)

Breusysi 11:3

Ena Yefthagh a fias a'y vreder hag a drigas yn pow Tob. Outlayers a omguntellas a-dro dhe Yefthagh ha'y holya.

Breusysi 11:5

Ha pan vatalyas orth Ysrael, henavogyon Gilead eth dhe dhri Yefthagh a bow Tob.

Breusysi 18:28

Nyns esa delivrer, drefenn hy bos pell a Sidon ha ny's teva kevrenn gans denvyth. Yth esa an sita yn nans ogas dhe Beth-rehob. I a dhastrehevis an sita, ha triga ynni.

1 Samuel 13:4

Pan glewas oll Ysrael Sowl dhe fetha savla-gwithysi an Filistysi, hag ynwedh Ysrael dhe dhos ha bos kasadow dhe'n Filistysi, an bobel a veu gelwys yn-mes dhe junya gans Sowl yn Gilgal.

1 Samuel 27:12

Hag Akish a drestyas yn Davydh, ha tybi, ‘Ev re wrug y honan kasadow glan yn mysk y bobel Ysrael; rakhenna ev a vydh ow gwas bys vykken.’