2 Samuel 10:18 - An Bibel Kernewek 20234 (Kernewek Kemmyn)

¹⁸ Mes an Aramysi a fias a-dherag Ysrael; hag a'n Aramysi Davydh a ladhas an wer a seyth kans charett, ha dewgens mil varghek, ha gweskel Shobak kaslewydh aga lu, hag ev a verwis ena.

2 Samuel 10:18 Iomraidhean Croise

2 Samuel 10:17

Pan veu derivys orth Davydh, ev a guntellas oll Ysrael war-barth, ha treusi an Yordan, ha dos dhe Helam. An Aramysi a settyas aga honan yn aray erbynn Davydh ha batalyas orto.

2 Samuel 8:4

Davydh a gemmeras dhiworto mil varghek ha seyth kans, hag ugens mil droesek. Davydh a evredhis oll mergh an charettow, mes ev a asas lowr anedha rag kans charett.

1 Myghternedh 11:24

Ev a guntellas gwer dhodho ha dos ha bos kapten bagas preydhoryon, wosa an ladhva gans Davydh; i eth dhe Damaskus ha triga ena ha gul dhodho bos myghtern yn Damaskus.

1 Kroniklys 19:18

Mes Aram a fias a-dherag Ysrael. Davydh a ladhas a Aram seyth mil jaretter ha dew-ugens mil droesek, ha ladha ynwedh Shofak, kaslewydh aga lu.

Salmow 18:38

My a's brew ma na allons sevel; i a goedh yn-dann ow threys.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 68:2

Dell yw mog pellhes, yndella gwra aga fellhe i; ha dell deudh koer a-dherag an tan, yndella es an debeles dhe goll a-dherag Duw.

Breusysi 4:2

Ytho an Arloedh a's gwerthas yn leuv Yabin myghtern Kanan esa ow reynya yn Hasor; kaslewydh y lu o Sisera, esa trigys yn Harosheth-ha-goyim.

Breusysi 4:22

Pan dheuth Barak owth helghya Sisera, Yael eth yn-mes dhe vetya orto, hag a leveris dhodho, ‘Deus, hag my a dhiskwedh dhis an gour a hwilydh.’ Ytho ev a entras hy thylda, hag ottena Sisera a'y wrowedh marow ha'n ebil-tylda yn er y benn.

Breusysi 5:26

Hi a worras hy dorn dhe'n ebil-tylda ha'y leuv dhyghow dhe vorthol gweythoryon; hi a weskis Sisera, hi a gropyas y benn, hi a vrewis hag a bechyas er y benn.