2 Samuel 10:12 - An Bibel Kernewek 20234 (Kernewek Kemmyn)

¹² Bydh hardh, ha bedhen kolonnek rag agan pobel, ha rag sitys agan Duw; ha re wrello an Arloedh an pyth a hevel da dhodho.’

2 Samuel 10:12 Iomraidhean Croise

2 Samuel 10:11

Yn-medh ev, ‘Mars yw Aram re grev ragov, ena ty a'm gweres; mes mars yw an Ammonysi re grev ragos, ena my a dheu ha'th weres.

2 Samuel 15:26

Mes mar lever yndella, “Ny gemmerav plesour vyth ynnos”, ottavy, gwres ev dhymm kepar dell hevel da dhodho.’

1 Kroniklys 19:13

Bydh krev, ha diskwedhyn agan honan kolonnek a-barth agan pobel ha rag sitys agan Duw; ha re wrello an Arloedh an pyth a hevel da dhodho.’

2 Kroniklys 32:7

‘Bedhewgh krev hag a golonn dha. Na berthewgh own na bos penndegys a-rag myghtern Assyria hag oll an routh usi ganso; rag yma onan kreffa genen ni es dell eus ganso ev.

Nehemia 4:14

Ha my a viras ha sevel ha leverel dhe'n ugheloryon, ha dhe'n soedhogyon ha dhe remenant an bobel, ‘Na berthewgh own anedha. Perthewgh kov a'n Arloedh yw meur hag euthyk, hag omledhewgh rag agas breder, agas mebyon, agas myrghes, agas gwragedh ha'gas chiow.’

Nehemia 4:8

Hag i oll a vrasas war-barth dhe dhos hag omladh erbynn Yerusalem, ha gul deray ynni.

Ester 4:16

‘Ke, kuntell oll an Yedhewon usi yn Shushan, ha gwrewgh penys ragov, ha na wrewgh hwi dybri nag eva tri dydh, nosweyth na dydhweyth: my ynwedh, ha'm maghtethyon, penys a wren ni yn kepar maner. Ena mos a-ji bys y'n myghtern a wrav kyn fo erbynn an lagha: ha mar pydhav distruys, distruys vydhav.’

Job 1:21

Hag ev a leveris, ‘Noeth y teuth vy dhiworth torr ow mamm, ha noeth y tehwelav ena; an Arloedh a ros, ha'n Arloedh re gemmeras dhe-ves; benniges re bo hanow an Arloedh.’

Niverow 13:20

ha mars yw an tir rych po difeyth, ha mars eus prenn ynno po mar nyns eus. Bedhewgh a golonn dha, ha drewgh neppyth a frut an tir.’ Nena an termyn o seson an kynsa gwinreun adhves.

1 Korinthianys 16:13

Bedhewgh hewoel, sevewgh fast y'n fydh, bedhewgh hardh, bedhewgh krev.

Dewteronomi 31:6

Bedhewgh krev, ha bedhewgh kolonnek, na berthewgh own nag euth a-ragdha, drefenn an Arloedh dha Dhuw, ev yth yw neb a gerdh genes; ny wra dha asa na'th forsakya.’

Dewteronomi 31:7

Moyses a elwis Yoshua ha leverel dhodho a-wel dhe oll Ysrael, ‘Bydh krev ha bydh kolonnek; rag ty a dheu gans an bobel ma dhe'n tir a dos an Arloedh dh'aga thasow y ri dhedha, ha ty a wra dhedha y erita.

Ebrowyon 11:33

neb dre fydh a fethas ruvanethow, breusi yn ewnder, degemmeres an ambosow, degea ganow lewyon,

Ebrowyon 13:6

Ytho, ni a lever yn kolonnek, ‘An Arloedh yw ow gwereser, ny'm bydh own; pandr'a yll den gul dhymm?’

Yoshua 1:18

Piwpynag a vo diwostydh dhe'th arghadow ha neb na woslow orth dha lavarow, pup-tra a worhemmynnydh dhodho, a vydh gorrys dhe'n mernans. Mes bydh krev ha bydh kolonnek.’

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’

Breusysi 10:15

Ha mebyon Ysrael a leveris dhe'n Arloedh, ‘Ni re beghas; gwra dhyn ni pypynag a hevel da dhis; mes delirv ni, ni a'th pys, y'n jydh ma!’

1 Samuel 14:12

Ha gwer an savla-goelyadoryon a elwis dhe Yonathan ha deger y arvow, ow leverel, ‘Dewgh yn-bann dhyn, ha ni a dhiskwedh neppyth dhywgh.’ Yonathan a leveris dhe dheger y arvow, ‘Deus yn-bann war ow lergh; rag an Arloedh re's delivras yn leuv Ysrael.’

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’

1 Samuel 17:32

Davydh a leveris dhe Sowl, ‘Na wres kolonn denvyth fyllel a'y wovis ev; dha was a wra mos hag omladh gans an Filistyas ma.’

1 Samuel 3:18

Ha Samuel a dherivas dhodho pup-tra ha ny gudhas travyth a-dhiworto. Hag ev a leveris, ‘An Arloedh yw; Gwres ev an pyth a hevel da dhodho.’

1 Samuel 4:9

Gwellhewgh agas cher, bedhewgh gwer, A Filistysi, ma na vowgh gwesyon dhe'n Ebrowyon kepar dell vons dhywgh hwi; bedhewgh gwer ha batalyewgh.’