2 Samuel 1:2 - An Bibel Kernewek 20234 (Kernewek Kemmyn)

² Y'n tressa dydh, gour a dheuth yn-mes a gamp Sowl gans y dhillas skwardys, ha gans dor war y benn. Pan dheuth dhe Davydh, ev a goedhas dhe'n leur hag omblegya.

2 Samuel 1:2 Iomraidhean Croise

Jenesis 22:4

An tressa dydh, Abraham a dhrehevis y dhewlagas ha gweles an tyller a-bell.

Jenesis 37:29

Ena Rewben a dhehwelis dhe'n puth, hag otta, nyns esa Yosep y'n puth hag ev a skwardyas y dhillas

Jenesis 37:34

Ena Yakob a skwardyas y dhillas ha gorra yskar a-dro dh'y dhiwglun, ha kyni rag y vab lies dydh.

Jenesis 43:28

Hag yn-medhons i, ‘Yma dha was agan tas yn poynt da. Hwath yn few yw ev.’ Hag i a omblegyas ha koedha dhe'n dor a-ragdho.

2 Samuel 1:3

Yn-medh Davydh dhodho, ‘A-ble osta devedhys?’ Ev a worthybis, ‘My re dhienkas yn-mes a gamp Ysrael.’

2 Samuel 13:19

Tamar a worras lusu war hy fenn, ha skwardya an bows liesliw esa warnedhi, ha gorra hy leuv war hy fenn, ha mones dhe-ves ow kria.

2 Samuel 14:4

Pan dheuth an Tekoyades dhe'n myghtern, hi a goedhas war hy fas dhe'n dor hag omblegya, ha leverel, ‘Gweres dhymm, A vyghtern!’

2 Samuel 15:32

Pan dheuth Davydh dhe wartha an menydh, tyller mayth esa Duw gordhys, awotta, Hushay an Arkyas a dheuth dh'y vetya gans y gota skwardys ha dor war y benn.

2 Samuel 24:20

Hag Arawna a viras yn-nans ha gweles an myghtern ha'y wesyon ow tos yn-rag trohag ev; hag Arawna eth yn-rag hag omblegya gans y fas dhe'n dor a-rag an myghtern.

2 Samuel 4:10

pan dherivas den orthiv ha leverel, “Otta, Sowl yw marow”, par dell ve deger a nowodhow da, my a settyas dalghenn ynno ha'y ladha yn Siklag. Hemm o an pewas a res dhodho rag y nowodhow.

Ester 4:16

‘Ke, kuntell oll an Yedhewon usi yn Shushan, ha gwrewgh penys ragov, ha na wrewgh hwi dybri nag eva tri dydh, nosweyth na dydhweyth: my ynwedh, ha'm maghtethyon, penys a wren ni yn kepar maner. Ena mos a-ji bys y'n myghtern a wrav kyn fo erbynn an lagha: ha mar pydhav distruys, distruys vydhav.’

Ester 5:1

Lemmyn y'n tressa dydh, Ester a wiskas hy dillas ryel; ha sevel a wrug y'n klos pervedhel a balys an myghtern a-dal hel an myghtern. Yth esa an myghtern esedhys war y se ryel y'n hel ryel a-dal porth an palys.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Ezekiel 27:30

I a dhrehav aga lev er dha bynn, hag i a gri yn hwerow; i a dewl doust war aga fennow ha rolya yn lusu.

Hosea 6:2

Wosa dew dhydh ev a wra agan dasvewa; y'n tressa dydh ev a wra agan drehevel, ha ni a vew a-ragdho.

Yoel 2:13

Skwardyewgh agas kolonn, a-der agas dillas, ha treylyewgh arta dhe'n Arloedh agas Duw, rag grassyes ha truedhek yw, lent ow serri, ha meur y dregeredh, hag ev a gemmer edrek a'n drog.

Matthew 12:40

Rag kepar dell esa Yona yn torr an morvil tri dydh ha teyr nos, yndella y fydh Mab an den tri dydh ha teyr nos yn kolonn an nor.

Matthew 16:21

Alena rag, Yesu a dhallathas diskwedhes dh'y dhyskyblon y fia res dhodho mones dhe Yerusalem ha godhevel lies tra dhiworth an henavogyon ha'n bennoferysi ha'n skribys, ha bos ledhys, ha bos drehevys y'n tressa dydh.

Yoshua 7:6

Yoshua a skwardyas y vantell ha koedha dhe'n dor war y fas a-dherag argh Arloedh bys y'n gorthugher, ev ha henavogyon Ysrael; i a dewlis doust war aga fenn.

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.

1 Samuel 20:41

Ha kettell veu an maw gyllys, Davydh a sevis yn-bann dhiworth tenewen an krug a veyn, ha koedha war y fas dhe'n leur. Ev a blegyas dhe'n dor teyrgweyth, hag i a ammas an eyl dh'y gila, hag i a oelas an eyl gans y gila; mes Davydh a oelas moy.

1 Samuel 25:23

Pan welas Abigayl Davydh, hi a fistenas ha diyskynna dhiworth an asen, ha koedha a-rag Davydh war hy fas hag omblegya dhe'n dor.

1 Samuel 4:12

Gour a Benyamin a boenyas mes a'n linenn vatel, ha dos dhe Shilo an keth jydh, gans y dhillas skwardys ha gans dor war y benn.

1 Samuel 4:16

Yn-medh an gour dhe Eli, ‘Yth ov vy nebonan re dheuth dhiworth an vatel; my a fias hedhyw yn-mes a'n vatel.’ Yn-medh ev, ‘Pandr'a hwarva, ow mab?’