2 Samuel 1:16 - An Bibel Kernewek 20234 (Kernewek Kemmyn)

¹⁶ Yn-medh Davydh dhodho, ‘Bedhes dha woes war dha benn dha honan; rag dha anow re dhustunias er dha bynn, ow leverel, “My re ladhas untys an Arloedh.” ’

2 Samuel 1:16 Iomraidhean Croise

2 Samuel 1:10

Ytho my a sevis a-ughto, ha'y ladha, drefenn ow bos sur na ylli bewa wosa ev dhe goedha. My a gemmeras an gurun esa war y benn, ha'n breghellik esa war y vregh, ha my re's dros omma dhe'm arloedh.’

2 Samuel 16:8

An Arloedh re attylis warnas oll goes chi Sowl, may reynsys yn y le; ha'n Arloedh re dhelivras an wlaskor yn leuv Absalom dha vab, hag ottajy yn anken, drefenn dha vos gour goesek.’

1 Myghternedh 2:37

Rag y'n jydh mayth edh yn-mes, ha mos dres an keynres Kidron, godhvydh yn sertan, ty a wra merwel; dha woes a vydh war dha benn dha honan.’

Job 15:6

Dha anow dha honan a'th tampen, na my; dha dhiwweus dha honan a dhustuni er dha bynn.

Lavarow Koth 6:2

mar peusta maglennys yn kows dha dhiwweus, kechys yn geryow dha anow,

Ezekiel 18:13

neb a re rag oker ha kemmeres goroker: a wra ev bewa? Ny vew; ev re wrug oll an taklow kasadow ma; ev a vydh gorrys dhe'n mernans yn sur; y woes a vydh warnodho y honan.

Ezekiel 33:5

Ev a glewas son an hirgorn ha ny woslowas an gwarnyans; y woes a vydh warnodho y honan, mes mar koslowas an gwarnyans, ev a saw y vewnans.

Levitikus 20:16

Mar teu benyn ogas dhe vest dhe wrowedha ganso, ty a ladh an venyn ha'n best ynwedh. I a vydh gorrys dhe'n mernans. Aga goes a vydh warnedha i.

Levitikus 20:27

Gour po benyn neb a wra nygromons po neb a vo koelyek a vydh gorrys dhe'n mernans yn sur. I a vydh labydhys gans meyn. Aga goes a vydh warnedha.

Levitikus 20:9

Rag piwpynag a vollettho y das po y vamm a vydh gorrys dhe'n mernans yn sur. Ev re vollethis y das ha'y vamm. Y woes a vydh warnodho.

Matthew 27:25

Ha'n bobel oll a worthybis ow leverel, ‘Re bo y woes warnan ni ha war agan fleghes.’

Luk 19:22

Yn-medh ev dhodho, “Dhiworth dha anow dha honan my a'th vreus, ty gethwas drog! Ty a wodhves ow bos den kales, ow kemmeres yn-bann an pyth na wrugavy y worra yn-nans, hag ow mysi an pyth na wrugavy y hasa.

Oberow 18:6

Mes pan sevsons er y bynn ha kewsel blasfemi, ev a shakyas y dhillas ha leverel dhedha, ‘Re bo agas goes war agas penn agas honan; glan ov vy. Alemma rag, mos dhe'n Jentilys a wrav.’

Oberow 20:26

Rakhenna my a dheg dustuni dhywgh y'n jydh hedhyw ow bos glan a woes tus oll;

Romanyon 3:19

Lemmyn ni a woer, pypynag a lavarro an lagha kewsys yw dhe'n re usi yn-dann an lagha, rag may fo pub ganow deges, ha rag may fo an bys oll yn-dann vreus Duw.

Dewteronomi 19:10

ma na vo goes gwiryon skoellys y'th tir a wra an Arloedh dha Dhuw y ri dhis avel eretons, ha ty dhe vos kablus a skoellya goes.

Yoshua 2:19

Piwpynag ello yn-mes a dharasow dha ji bys y'n stretys, y woes ev a vydh war y benn y honan, ha kwit vydhyn. Mes piwpynag a vo genes y'n chi, y woes ev a vydh war agan penn ni mars yw tewlys diwla warnodho.

Breusysi 9:24

Hemma a hwarva rag may fe diellys an drog re bia gwrys dhe'n deg mab ha tri-ugens a Yerubbaal ha may fe aga goes gorrys war aga broder Abimelek, neb a's ladhas, ha war arlydhi Shekem, neb a grevhas y dhiwdhorn rag ladha y vreder.

1 Samuel 25:39

Ha pan glewas Davydh bos Nabal marow, yn-medh ev, ‘Benniges re bo an Arloedh neb re ventenas ow hen rag an despit dhiworth leuv Nabal, hag ev re withas y was dhiworth drog; rag an Arloedh re dreylyas drogober Nabal war y benn y honan.’ Ena Davydh a dhannvonas ha kewsel gans Abigayl, dh'y hemmeres dhodho, dh'y hemmeres avel y wreg.

1 Samuel 26:9

Mes yn-medh Davydh dhe Abishay, ‘Na wra y dhistrui, rag piw a yll ystynn y leuv erbynn untys an Arloedh, ha bos heb kessydhyans?’