2 Peder 3:2 - An Bibel Kernewek 20234 (Kernewek Kemmyn)

² dhe remembra an lavarow a veu kewsys kyns gans an brofoesi sans, hag a worhemmynn agas Arloedh ha Selwyas der agas abesteli.

2 Peder 3:2 Iomraidhean Croise

Luk 1:70

kepar dell gewsis seuladhydh dre anow y brofoesi sans,

Luk 24:27

Hag ow talleth gans Moyses hag oll an brofoesi ev a styryas dhedha pup-tra esa a-dro dhodho y honan yn oll an skryptors.

Luk 24:44

Hag yn-medh ev dhedha, ‘An re ma yw ow geryow a gewsis orthowgh ha my hwath genowgh, bos res pup-tra skrifys a-dro dhymm yn lagha Moyses hag y'n brofoesi hag y'n salmow dhe vos kollenwys.’

Oberow 10:43

Dhe hemma, oll an brofoesi a dhustuni, kemmys a grysso ynno dhe dhegemmeres dehwelyans peghosow der y hanow.’

Oberow 28:23

I a settyas dydh ganso, hag i a dheuth yn y ji, meur aga niver. A vyttin bys yn gorthugher ev a styryas dhedha, ow toen dustuni a-dro dhe wlaskor Duw, hag owth assaya gul dhedha krysi a-dro dhe Yesu, dhiworth lagha Moyses keffrys dhiworth an brofoesi.

Oberow 3:18

mes yndella Duw a gollenwis an taklow a dharganas ev dre anow an brofoesi oll, y Grist dhe wodhevel.

Oberow 3:21

Y telledh nev dh'y gemmeres bys yn prysyow daskorrans pup-tra oll, dell gewsis Duw dre anow y brofoesi sans nans yw pell.

Galatianys 6:2

Degewgh agas beghyow an eyl a-barth y gila, hag yndella hwi a gollenow lagha Krist.

Efesianys 2:20

drehevys war sel an abesteli ha'n brofoesi, Krist Yesu y honan ow pos an pennmen.

Efesianys 3:5

na veu notys dhe vebyon den yn henedhow erell, kepar dell yw diskwedhys lemmyn dh'y abesteli sans, ha'y brofoesi y'n Spyrys,

1 Timothi 6:14

may hwitthi an gorhemmynn heb namm, heb keredh, bys yn omdhiskwedhyans agan Arloedh Yesu Krist.

2 Peder 2:21

Gwell via dhedha na wodhviens an fordh a ewnder, es treylya, wosa godhvos, dhiworth an arghadow sans a veu res dhedha.

2 Peder 3:15

Ha synsewgh hirwodhevyans agan Arloedh dhe vos selwyans, kepar dell skrifas dhywgh agan broder karadow Powl, war-lergh an furneth a veu res dhodho,

2 Peder 3:16

kepar dell skrif ynwedh yn oll y lytherow, ow kewsel ynna a-dro dhe'n taklow ma. Ynna yma taklow yw kales dhe gonvedhes, may ma an re dhidhysk ha'n re heb faster orth aga stumma, ha'n skryptors erell ynwedh, dh'aga diswrians aga honan.

1 Yowann 4:6

A Dhuw yth eson: neb a aswonn Duw a'gan klew; neb nag usi a Dhuw, ev ny'gan klew ni. Yndella yth aswonnyn an spyrys a wirder, ha'n spyrys a gammdybyans.

Lyther Yud 1:17

Hwi garadowyon, perthewgh kov a dharganow abesteli agan Arloedh Yesu Krist,

Diskwedhyans 19:10

Ha my a goedhas orth y dreys rag y wordhya. Hag ev a leveris dhymm, ‘Na wra henna. My yw dha geskethwas, ha keskethwas dha vreder a's teves dustuni Yesu. Gwra gordhya Duw, rag dustuni Yesu yw an spyrys a brofoesans.’