2 Peder 2:4 - An Bibel Kernewek 20234 (Kernewek Kemmyn)

⁴ Rag mar ny sparyas Duw eledh re wrussa pegha, mes aga dannvon yn-nans dhe dewlder Tartarus, dhe vos gwithys bys y'n vreus;

2 Peder 2:4 Iomraidhean Croise

Job 21:30

bos an drogober gwithys dhiworth dydh an distruyans, ha bos delivrys dhiworth dydh an konnar?

Job 4:18

Hwath yn y servysi ny worr ev fydh mann, ha'y eledh ev a guhudh a follneth;

Salmow 78:50

Ev a dharbaris hyns dh'y sorr, ha ny withas aga enev rag ankow, mes ev a ros aga bewnans dhe'n pla;

Ysay 14:12

Fatell osta koedhys dhiworth nev, A Vorlowenn, mab an bora! Ty re beu treghys dhe'n dor, neb a fethas kenedhlow.

Ezekiel 5:11

Rakhenna, dell vewav, yn-medh an Arloedh Duw, drefenn ty dhe dhefola ow sentri gans oll dha daklow vil ha gans oll dha daklow kasadow, ytho my a'th tivarv; ow lagas ny gemmer pita, hag ynwedh ny gemmerav truedh.

Ezekiel 7:4

Ny gemmer ow lagas pita ahanas, ha ny'th sparyav, rag my a attal dhis drefenn dha fordhow, ha'th taklow kasadow a-berth ynnos. Ena hwi a woer my dhe vos an Arloedh.

Ezekiel 7:9

Ny gemmer ow lagas pita ahanas, na ny'th sparyav; my a attal dhis war-lergh dha fordhow, ha'th taklow kasadow usi a-berth ynnos. Ena hwi a woer my dhe vos an Arloedh, usi ow kweskel.

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Matthew 8:29

Hag i a armas ow leverel, ‘Pandr'a vynnydh tejy genen ni, A Vab Duw? Osta devedhys omma rag agan tormentya kyns an termyn?’

Mark 5:7

hag a armas gans lev ughel ha leverel, ‘Pandr'a vynnydh tejy genev vy, Yesu, ty Vab an Duw Ughella? My a'th konjor a-barth Duw, na wrylli ow thormentya.’

Luk 10:18

Hag ev a leveris dhedha, ‘My a weli Satnas avel lughesenn ow koedha dhiworth nev.

Luk 8:31

Hag i a'n pysis, na wrella erghi dhedha mos y'n islonk.

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Romanyon 11:21

Rag mar ny sparyas Duw an skorrennow naturel, ny'th spar tejy.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

Dewteronomi 29:20

an Arloedh ny vynn gava dhodho; ena sorr an Arloedh ha'y avi a dhyllo mog erbynn an gour na, hag oll an volleth yw skrifys y'n lyver ma a wrowedh warnodho, ha'n Arloedh a dhefend y hanow a-dhann nev.

2 Peder 2:11

mes eledh, spit dh'aga nerth ha'ga galloes brassa, ny dhrons breus a vlasfemi er aga fynn a-dherag an Arloedh.

2 Peder 2:5

ha mar ny sparyas an bys koth, mes y hwithas Noy, herot ewnder, gans seyth den arall, hag ev ow tannvon an liv war an norvys a dus dhidhuw;

2 Peder 2:9

ena an Arloedh a woer delivra tus dhuwek yn-mes a brevyans, mes gwitha tus kammhynsek yn-dann gessydhyans bys dydh breus,

1 Yowann 3:8

Neb a begh, a'n jowl yma; rag an jowl a begh a-dhia'n dalleth. Dhe'n porpos ma y feu diskwedhys Mab Duw, rag may tistrua oberow an jowl.

Lyther Yud 1:13

mordonnow gwyls owth ewyni gans aga bismer aga honan, sterennow ow kwandra may feu dhedha gwithys an tewlder bys vykken.

Lyther Yud 1:6

ha'n eledh na withas aga offis aga honan mes a asas aga thrigva aga honan re beu gwithys ganso yn chaynys heb diwedh yn tewlder bys yn breus an jydh meur;

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.