2 Peder 2:3 - An Bibel Kernewek 20234 (Kernewek Kemmyn)

³ Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.

2 Peder 2:3 Iomraidhean Croise

Job 6:27

Hwi a wrussewgh tewlel prenn war an omdhivas hogen, ha kesvargenya rag agas koweth.

Salmow 18:44

Kettell glewons ahanav, gostydh yns i dhymm; estrenyon a ombleg dhymm.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Salmow 81:15

An re a gas an Arloedh a omwrussa gostydh dhodho, ha'ga thermyn a via bys vykken.

Ysay 5:19

neb a lever ‘Fistenes, bedhes y ober uskis, ma'n gwellyn. Neses, ha des kusul Sans Ysrael, ma's aswonnyn.’

Ysay 56:11

Keun krev aga ewl yns i, nevra ny gevons lowr. I yw bugeledh na wodhons konvedhes; i oll re dreylyas dh'aga fordh aga honan, pubonan dh'y brow y honan, onan hag oll.

Ysay 60:22

An distyr ahanas a vydh avel mil, ha'n byghan avel kenedhel grev. My yw an Arloedh; yn y dermyn, distowgh my a'n gwra.

Yeremia 6:13

Rag a'n lyha anedha bys y'n meurra pubonan yw hwansek dhe wayn anewn; hag a'n profoes bys y'n oferyas pubonan a wra falsuri.

Yeremia 8:10

Ytho my a re aga gwragedh dhe re erell ha'ga farkow dhe'n re a's erit: rag pubonan a'n lyha dhe'n moyha yw kemmerys gans krefni; a'n profoes bys y'n oferyas pubonan a dhyght yn fals.

Ezekiel 13:19

Hwi re'm dhefolas yn mysk ow fobel rag dornasow a heydh ha temmyn a vara, ow ladha enevow na dalsons merwel, hag ow sparya enevow na dalsons bewa, der agas gowleverel dhe'm pobel usi ow koslowes orth gow.

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Habakkuk 3:3

Duw a dheu dhiworth Teman, ha'n Sans dhiworth menydh Paran. Sela. Y veuredh re gudhas an nevow, ha'y wormola re lenwis an nor.

Malaki 1:10

Piw yn agas mysk a wra degea darasow an tempel, ma na enowowgh ow alter yn euver? Nyns ov vy pes da ahanowgh hwi, yn-medh Arloedh an luyow. Ny dhegemmerav offrynn a'gas diwleuv.

Matthew 23:14

‘Go-hwi, skribys ha Fariseow, falswesyon, rag hwi a lenk chiow gwedhwesow, hag yn fayntys hwi a wrewgh pysadow hir; rakhenna y kevowgh breus dhe voy tynn.

Luk 18:8

Lavarav dhywgh, ev dhe wul gwirvreus ragdha hware. Mes pan dheu Mab an den, a gyv ev fydh war an nor?’

Luk 20:20

Hag i a viras orto gluw, ha dannvon aspioryon neb a omwrug gwiryon, dh'y vagla yn y lavarow, rag ma'n daskorrons dhe awtorita ha galloes an governour.

Luk 22:47

Hag ev hwath ow kewsel, awotta routh, hag yth esa ow mos a-ragdha an den henwys Yudas, onan a'n dewdhek; hag ev a dheuth nes dhe Yesu dhe amma dhodho.

Yowann 2:16

ha leverel dhe neb a wertha an kelemmi, ‘Kemmerewgh an taklow ma alemma; na wrewgh chi ow Thas yn marghatti.’

Romanyon 16:18

Rag tus a'n par na, ny servyons agan Arloedh Krist mes aga thorr aga honan, ha dre gows teg ha dre gows ow flattra, y toellons kolonn an re wiryon.

2 Korinthianys 2:17

Rag nyns on ni gwikoryon a er Duw, kepar ha lies; mes dell ve a lenduri, yn hwir dell ve dhiworth Duw, ha dherag Duw, ni a gews yn Krist.

Dewteronomi 24:17

Na gammdreyl breus dhiworth alyon nag omdhivas, ha na gemmer dillas gwedhwes avel goestel.

Dewteronomi 32:35

Dial yw dhymm, hag attal, yn termyn may hwra aga throes trebuchya; rag ogas yw dydh aga therroes, ha'ga thenkys a fisten dhedha.

1 Thessalonianys 2:5

Rag ny wrussyn bythkweth devnydh a eryow fekyl, dell wodhowgh, na kudhlenn krefni, Duw yn test.

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.

1 Timothi 3:3

heb eva re nag omdhal, mes klor, ha digavyllek, heb kara mona;

1 Timothi 3:8

Yn kepar maner, res yw dhe dhyagonyon bos sad, heb taves dewblek na hwansek dhe eva re a win na kraf rag gwayn diveth,

1 Timothi 6:5

ha'n dadhlow heb worfenn a dus legrys aga brys, ha'n gwir kemmerys dhiworta i, a dyb sansoleth dhe vos mayn rag kavoes gwayn arghansek.

Titus 1:11

Res yw gul tewel dhedha, neb a dhomhwel teyluyow dien ow tyski dhedha taklow na dhegoedh rag krefni plos.

Titus 1:7

Rag y koedh dhe'n epskop bos divlam, avel rennyas Duw, heb gorthter, na sorr skav, nag yw omres dhe win, nag yw striver na kraf,

1 Peder 2:8

ha, ‘Men a wra dhe dhen trebuchya, ha karrek a offens.’ I a goedh rag nyns yns i gostydh dhe'n ger. Henna a veu aga thenkys.

1 Peder 5:2

bugelyewgh flokk Duw usi yn agas mysk, ow korweles heb konstryna mes bolonjedhek, war-lergh bodh Duw; heb hwansa gwayn plos, mes yn tiwysyk;

2 Peder 1:16

Ny siwsen hwedhlow gwrys yn konnyk ha ny ow terivas dhywgh galloes ha devedhyans agan Arloedh Yesu Krist, mes ny re welas y vraster gans agan dewlagas ni.

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

2 Peder 2:9

ena an Arloedh a woer delivra tus dhuwek yn-mes a brevyans, mes gwitha tus kammhynsek yn-dann gessydhyans bys dydh breus,

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.

Lyther Yud 1:15

rag kollenwel breus war bub den oll ha keredhi pub enev a-dro dh'aga gwriansow a ansansoleth a wrussons hag a oll an geryow kales a wrug peghadoryon dhidhuw kewsel er y bynn.’

Lyther Yud 1:16

An re ma yw grolyogyon grodhek, omres dh'aga flesours aga honan, ha'ga ganow yw leun a vostyans, ow favera tus rag gwayn.

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.

Lyther Yud 1:7

kepar ha Sodom ha Gomorra ha'n sitys yn aga hyrghynn, a veu omres dhe'n keth dijastita hag ow mos war-lergh kig astranj, settys rag bysna yn aga hessydhyans gans tan heb diwedh.