2 Peder 2:2 - An Bibel Kernewek 20234 (Kernewek Kemmyn)

² Ha lies a wra siwya aga fara direwl, ha drefenn an re ma y fydh fordh an gwiryonedh blasfemys.

2 Peder 2:2 Iomraidhean Croise

Jenesis 19:5

hag i a elwis Lot ha leverel dhodho, ‘Ple'ma an wer a dheuth dhis nyhewer? Doro i yn-mes dhyn ni, may hwryllyn aga aswonn.’

Salmow 18:21

Rag my re synsis fordhow an Arloedh, ha ny dhiberthis yn trog dhiworth ow Duw.

Ysay 35:8

Y fydh fordh-veur ena, ha hyns, hag y fydh henwys an Fordh a Sansoleth. Ny dremen an den avlan warnedhi, mes y fydh fordh rag pergherinyon, ny wra fellyon gwandra ynni.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Matthew 22:16

Hag i a dhannvonas dhodho aga dyskyblon gans an Herodyanys, ow leverel, ‘Mester, ni a woer dha vos gwir, hag ow tyski fordh Duw yn gwiryonedh, ha ny'th teur mann a dhenvyth rag ny virydh orth fas tus.

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Matthew 7:14

mes kul yw an porth hag ynn yw an fordh a led dhe vewnans, ha tanow yw an re a's kyv.

Mark 12:14

Ha pan dheuthons yn-medhons dhodho, ‘Mester, ni a woer ty dhe vos gwir, ha ny'th teur mann a dhenvyth; rag ny virydh orth fas tus, mes ty a dhysk fordh Duw yn gwiryonedh. Yw lafyl ri trubyt dhe Sesar, po nag yw? A ren ni po na ren?’

Mark 13:22

Rag fals Kristow ha fals profoesi a sev, hag a dhiskwa toknys ha marthusyon, rag toella, mara kyllir, an re dhewisys.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Oberow 13:10

‘A, lenwys a bub toell hag a bub frows, mab an jowl, eskar pub ewnder, a ny vynn'ta hedhi, kamma fordhow ewn an Arloedh?

Oberow 14:2

Mes an Yedhewon neb o diskryjygyon a ynnias war an Jentilys, ow treylya aga brys erbynn an vreder.

Oberow 16:17

Hag owth holya Powl ha ni, hi a grias, ow leverel, ‘An dus ma yw gwesyon Duw an ughella, neb a bregoth dhywgh fordh selwyans.’

Oberow 18:26

hag ev a dhallathas kewsel yn hardh y'n synaga; ha pan y'n klewas Priskilla hag Akwila, i a'n kemmeras ha styrya moy kewar dhodho fordh Duw.

Oberow 19:9

Mes drefenn bos re anedha penn-kales ha diskryjyk, ow kewsel drog a-dro dhe'n Fordh a-rag an routh, ev a omdennas dhiworta hag ow kemmeres an dhyskyblon ganso, yth esa ow tadhla pub dydh yn skol Tyrannus.

Oberow 22:4

My a helghyas an Fordh ma bys y'n mernans, ow kelmi ha gwer ha benynes hag orth aga gorra yn prison,

Oberow 24:14

Mes hemma my a gonfess dhis, my dhe wordhya Duw agan tasow, herwydh an Fordh a elwons i sekt, ow krysi pup-tra yw herwydh an lagha ha'n taklow skrifys y'n brofoesi.

Romanyon 2:24

Rag dell yw skrifys, ‘Hanow Duw yw disenorys yn mysk an kenedhlow dredhos.’

1 Timothi 5:14

Ytho, my a vynn an re yowynka dhe dhemmedhi, dineythi fleghes, ha bos mestres chi, na vo ken dhe eskar dh'agan kabla.

Titus 2:5

dhe vos fur, chast, bysi y'n chi, gostydh orth aga gour i, ma na vo ger Duw despitys.

Titus 2:8

kows yagh, divlam may fo eskar shamys heb kavoes travyth drog dhe leverel a-dro dhyn.

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.

2 Peder 2:12

Mes an re ma, kepar ha bestes heb reson dineythys war-lergh natur dhe vos kechys ha distruys, ow plasfemya a-dro dhe daklow na wodhons, a vydh distruys y'n keth vaner,

2 Peder 2:15

Ow kasa an fordh ewn, i a sowdhanas, ow siwya fordh Balaam mab Beor a garas gober droktra,

2 Peder 2:18

Rag ow kewsel gans bostyans euver, i a dhyn gans drokhwansow direwl an kig an re na dhiank skant dhiworth an dus a vew yn maner bodrek.

2 Peder 2:21

Gwell via dhedha na wodhviens an fordh a ewnder, es treylya, wosa godhvos, dhiworth an arghadow sans a veu res dhedha.

2 Peder 2:7

ha mar sawyas Lot gwiryon, grevys gans an bewedh plos a'n re dhrog,

Lyther Yud 1:10

mes an re ma a wra anvri dhe bypynag na gonvedhons; ha'n taklow a gonvedhons dre gnas kepar dell wra bestes heb reson, distruys vydhons i gansa.

Lyther Yud 1:15

rag kollenwel breus war bub den oll ha keredhi pub enev a-dro dh'aga gwriansow a ansansoleth a wrussons hag a oll an geryow kales a wrug peghadoryon dhidhuw kewsel er y bynn.’

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.

Lyther Yud 1:7

kepar ha Sodom ha Gomorra ha'n sitys yn aga hyrghynn, a veu omres dhe'n keth dijastita hag ow mos war-lergh kig astranj, settys rag bysna yn aga hessydhyans gans tan heb diwedh.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 13:14

Hag ev a doell an drigoryon war an bys der an toknys a veu res dhodho dhe wul a-dherag an best; ow leverel dhe'n re a drig war an bys may hwrellens imaj dhe'n best a veu goliys der an kledha hag a vewa.

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.