2 Peder 1:11 - An Bibel Kernewek 20234 (Kernewek Kemmyn)

¹¹ Rag yndella, y fydh grontys dhywgh hwi yn rych dhe entra dhe wlaskor heb diwedh agan Arloedh ha'gan Selwyas Yesu Krist.

2 Peder 1:11 Iomraidhean Croise

Salmow 145:13

Dha wlaskor yw gwlaskor nevra a bes, ha'th vestrynses a dhur a unn henedh dhe'n nessa. An Arloedh yw len yn oll y eryow, ha grassyes yn oll y oberow.

Salmow 36:8

I a vydh lenwys a helder dha ji, ha ty a wra dhedha eva dhiworth avon dha blesours.

An Gan a Ganow 5:1

My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

Ysay 35:2

ev a vleujyow, ha lowenha gans heudh ha kana. Glori Lebanon a vydh res dhodho, splannder Karmel ha Sharon; i a wel glori an Arloedh, splannder agan Duw.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Daniel 7:27

Ha'n wlaskor ha'n mestrynses ha meuredh an gwlaskordhow yn-dann oll an nev a vydh res dhe bobel syns an Ughella. Y wlaskor a vydh gwlaskor a dhur bys vykken, hag oll an rewloryon a wra y servya hag orto bos gostydh.’

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Yowann 10:10

Ny dheu lader saw dhe ladra, ha ladha, ha distrui; my yw devedhys rag may fo dhedha bewnans, ha may fo dhedha palster anodho.

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

1 Korinthianys 15:24

Ena y teu an diwedh, pan dhaskorr ev an wlaskor dhe Dhuw an Tas, wosa distrui pub prynsipata ha pub potestas ha pub maystri.

2 Korinthianys 5:1

Rag ni a woer hemma: mars yw distruys agan chi y'n bys, an tylda ma, yma dhyn drehevyans a Dhuw, chi nag yw gwrys gans leuv, a dhur bynitha y'n nevow.

Efesianys 3:20

Lemmyn, dhe neb a yll gul dres pup-tra yn pals dres eghenn moy es dell bysyn na brederyn, war-lergh an galloes a ober ynnon ni,

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.

2 Timothi 4:18

An Arloedh a wra ow delivra dhiworth pub drogober hag ow sawya rag y wlaskor nevek. Dhodho ev re bo gordhyans trank heb worfenn. Amen.

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Ebrowyon 6:17

Ytho, pan vynnas Duw diskwedhes dhe glerra dhe eryon an ambos gnas antreylyadow y dowl, ev a'n fastyas gans ti

2 Peder 1:1

Simon Peder, gwas hag abostol Yesu Krist, Dhe'n re re gavas fydh drudh kehaval dh'agan fydh ni, yn ewnder agan Duw ha'gan Selwyas Yesu Krist:

2 Peder 1:5

Ha rag an keth tra ma, strivewgh gwella gyllowgh dhe worra yn agas fydh vertu, hag yn vertu godhvos,

2 Peder 2:20

Rag wosa diank mostedhes an bys der aswonnvos an Arloedh ha Selwyas Yesu Krist, mars yns i maglennys arta ynna ha fethys, gweth gallas an studh diwettha anedha es an kynsa.

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.

Diskwedhyans 3:21

Neb a fettho, my a wront dhodho esedha genev war ow thron, kepar dell fethis vy ynwedh, hag esedha gans ow Thas war y dron.

Diskwedhyans 5:10

ha ty a's gwrug gwlaskor hag oferysi dh'agan Duw, hag i a wra reynya war an norvys.’