2 Myghternedh 9:3 - An Bibel Kernewek 20234 (Kernewek Kemmyn)

³ Ena, kemmer an kostrel a oyl ha'y diveri war y benn, ha leverel, “Yndellma y lever an ARLOEDH: My re'th untyas myghtern war Ysrael.” Ena igor an daras ha fia, na worta.’

2 Myghternedh 9:3 Iomraidhean Croise

1 Myghternedh 19:16

hag ynwedh untya Yehu mab Nimshi avel myghtern war Ysrael, hag untya Elisha mab Shafat a Abel-mehola avel profoes yn dha le.

Matthew 2:13

Wosa i dhe vos gyllys yn-kerdh, otta, el an Arloedh a omdhiskwedhas dhe Yosep dre hunros, ow leverel, ‘Sav yn-bann ha kemmer an flogh ha'y vamm ha fi dhe Ejyp ha bydh ena erna leverriv dhis; rag Herod a vynn hwilas an flogh rag y dhistrui.’

Daniel 5:18

A vyghtern, an Duw Ughella a ros dhe'th tas Nebukadnessar myghternsys ha meuredh hag enor ha splannder;

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Daniel 2:1

Y'n nessa blydhen a reyn Nebukadnessar, Nebukadnessar a'n jeva hunrosow; ha'y spyrys a veu troblys, ha'y gosk a'n gasas.

2 Kroniklys 22:7

Mes ordenys veu gans Duw may teffa terroes Ahazia der y vones yn-mes dhe vires Yoram. Yndella pan dheuth di ev eth yn-mes gans Yoram dhe vetya gans Yehu mab Numshi, neb a wrug an Arloedh y untya may tiswrella chi Ahab.

2 Myghternedh 8:13

Hazael a leveris, ‘Pyth yw dha was, nag yw marnas ki, may hwrello tra a'n par ma?’ Hag Elisha a worthybis, ‘An Arloedh re dhiskwedhas dhymm may fydhydh myghtern war Aram.’

1 Samuel 16:2

Ha Samuel a leveris, ‘Fatell allav mos? Mar klewva Sowl anodho, ev a'm ladhsa.’ Ha'n Arloedh a leveris, ‘Kemmer lejek genes, ha lavar, “My re dheuva dhe sakrifia dhe'n Arloedh.”

1 Samuel 15:17

Yn-medh Samuel, ‘Kynth es distyr y'th lagas dha honan, a ny veus gwrys penn loethow Ysrael? An Arloedh a'th untyas myghtern war Ysrael.

1 Samuel 15:1

Samuel a leveris dhe Sowl, ‘An Arloedh a'm dannvonas dhe'th untya dhe vos myghtern war y bobel Ysrael; lemmyn rakhenna goslow orth geryow an Arloedh.

1 Samuel 9:16

‘A-vorow a-dro dhe'n termyn ma my a dhannvon dhis gour mes a bow Benyamin, ha ty a wra y untya avel rewler war oll ow fobel Ysrael. Ev a saw ow fobel a-dhiworth dorn an Filistysi. My re viras war ow fobel, drefenn aga garm dhe dhos dhymm.’

Levitikus 8:12

Hag ev a dhinewis rann a oyl an untyans war benn Aron ha'y untya dh'y sanshe.

Eksodus 29:7

Ha ty a gemmer oyl an untyans ha'y dhiveri war y benn ha'y untya.

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

Matthew 26:7

unn venyn a dheuth dhodho ha gensi lester alabaster a eli meur y bris, neb a wrug y dhinewi war y benn, hag ev esedhys dhe dhybri.

1 Samuel 10:1

Ena Samuel a gemmeras kostrel a olew, ha'y dhiveri war y benn, hag amma dhodho, ha leverel, ‘A ny wrug an Arloedh dha untya dhe vos rewler war y ertach?

1 Myghternedh 1:34

Ha gesewgh Sadok an oferyas ha Nathan an profoes dh'y untya ena avel myghtern dres Ysrael. Ena hwythewgh an hirgorn, ha leverel, “Re vewo myghtern Solomon!”

2 Myghternedh 9:6

Hag ev a sevis ha mos y'n chi; hag ev a dhiveris an oyl war y benn ha leverel dhodho, ‘Yndellma y lever an Arloedh, Duw Ysrael, “My re'th untyas myghtern war bobel an Arloedh, war Ysrael.”