2 Myghternedh 3:3 - An Bibel Kernewek 20234 (Kernewek Kemmyn)

³ Byttegyns ev a lenas orth peghosow Yeroboam mab Nebat, a wrug dhe Ysrael pegha, ha ny dreylyas dhiworta.

2 Myghternedh 3:3 Iomraidhean Croise

1 Myghternedh 13:33

Wosa hemma ny dreylyas Yeroboam a'y dhrog fordh, mes arta ev a wrug oferysi rag an tylleryow ughel a-dhiworth oll renkasow an bobel. Piwpynag a vynna bos oferyas ev a sakras dhe'n tylleryow ughel.

1 Myghternedh 14:16

Ev a eskas Ysrael drefenn peghosow Yeroboam, a beghas ha gul Ysrael dhe begha.’

1 Myghternedh 14:9

mes ty re wrug drog a-ugh oll dha ragresegydhyon; ty re wrug duwow erell ragos, ha delowyow teudh, orth ow frovokya dhe sorr, orth ow thewlel a-dryv dha geyn.

1 Myghternedh 15:26

Ev a wrug an pyth o drog yn golok an Arloedh, ow kerdhes yn fordh y das hag y'n pegh a wrug ev dhe Ysrael y wul.

1 Myghternedh 15:34

Ev a wrug an pyth o drog yn golok an Arloedh, ow kerdhes yn fordh Yeroboam hag y'n pegh a wrug dhe Ysrael y wul.

1 Myghternedh 16:31

Ha par dell ve tra skav ragdho kerdhes yn peghosow Yeroboam mab Nebat, ev a gemmeras avel y wreg Yezebel myrgh Ethbaal myghtern an Sidonysi, hag ev eth ha servya Baal, ha'y wordhya.

2 Myghternedh 13:11

Ev a wrug an pyth o drog yn golok an Arloedh, ha ny dhibarthas dhiworth oll peghosow Yeroboam mab Nebat, a wrug dhe Ysrael pegha; mes ev a gerdhas ynna.

2 Myghternedh 13:2

Ev a wrug an pyth o drog yn golok an Arloedh, ha siwya peghosow Yeroboam mab Nebat, a wrug dhe Ysrael pegha; ny dreylyas dhiworta.

2 Myghternedh 13:6

Byttegyns ny dreylsons dhiworth peghosow chi Yeroboam, a wrug dhe Ysrael pegha, mes i a gerdhas ynna; an Ashera a veu gesys a'y sav yn Samaria ynwedh.

2 Myghternedh 14:24

Ev a wrug an pyth o drog yn golok an ARLOEDH: ny dhibarthas dhiworth oll peghosow Yeroboam mab Nebat, a wrug dhe Ysrael pegha.

2 Myghternedh 15:18

Ev a wrug an pyth o drog yn golok an Arloedh; ny dreylyas dres oll y dhydhyow dhiworth peghosow Yeroboam mab Nebat, a wrug dhe Ysrael pegha.

2 Myghternedh 15:9

Ev a wrug an pyth o drog yn golok an Arloedh, kepar dell wrug y dasow. Ny dreylyas dhiworth peghosow Yeroboam, mab Nebat, a wrug dhe Ysrael pegha.

2 Myghternedh 17:21

Rag ev a skwardyas Ysrael dhiworth chi Davydh; hag i a wrug dhe Yeroboam mab Nebat bos myghtern: ha Yeroboam a dhynyas Ysrael dhiworth holya an Arloedh, hag a wrug dhedha gul pegh bras.

2 Myghternedh 17:22

An Ysraelysi a gerdhas yn oll an peghosow a wrug Yeroboam; ny dreylsons dhiworta,

2 Myghternedh 17:23

bys pan worras an Arloedh Ysrael mes a'y wel, dell lavarsa ev der oll y wesyon an brofoesi. Yndella y feu Ysrael degys dhe-ves yn divroedh, yn-mes a'ga thiredh aga honan dhe Assyria, bys y'n jydh ma.

2 Myghternedh 21:16

Hag ynwedh Manasse a skoellyas meur a woes gwiryon, bys pan lenwis ev Yerusalem a'n eyl penn dh'y gila, war-barth gans an pegh may hwrug ev dhe Yuda y begha, ow kul an pyth o drog yn golok an Arloedh.

2 Myghternedh 23:15

Ynwedh ev a dennas dhe'n dor an alter yn Bethel, an tyller ughel gwrys gans Yeroboam mab Nebat, a wrug dhe Ysrael pegha, an alter na hag ynwedh an tyller ughel. Ev a loskas an tyller ughel, orth y vrewi dhe dhoust; ynwedh ev a loskas an Ashera.