2 Myghternedh 2:9 - An Bibel Kernewek 20234 (Kernewek Kemmyn)

⁹ Pan esens ow mos a-dreus, y leveris Elias dhe Elisha, ‘Lavar dhymm an pyth a allav y wul ragos kyns ow bos kemmerys a-dhiworthis.’ Elisha a leveris ‘My a'th pys, re bo warnav rann dhewblek a'th spyrys.’

2 Myghternedh 2:9 Iomraidhean Croise

1 Myghternedh 19:16

hag ynwedh untya Yehu mab Nimshi avel myghtern war Ysrael, hag untya Elisha mab Shafat a Abel-mehola avel profoes yn dha le.

1 Myghternedh 3:9

Ro dhe'th was ytho kolonn a yll konvedhes rag barna dha bobel ha dissernya yntra da ha drog; rag piw a yll barna dha bobel mar veur ma?’

Salmow 72:1

A Dhuw, ro dha vreusow dhe'n myghtern, ha'th ewnder dhe vab an myghtern.

Salmow 72:20

Pysadow Davydh mab Yesse yw diwedhys.

Zekaria 12:8

Y'n jydh na an Arloedh a vydh skoes dhe drigoryon Yerusalem; ev neb yw difredh yn aga mysk an jydh na a vydh avel Davydh, ha chi Davydh a vydh avel Duw, avel el an Arloedh a-ragdha.

Zekaria 9:12

Dehwelewgh dh'agas skons, prisnoryon govenek; hwath hedhyw my a dheriv y restoryav dewblek dhis.

Niverow 11:17

Ha my a dhiyskynn ha kewsel genes ena; ha my a gemmer nebes a'n spyrys eus warnas ha'y worra warnedha; hag i a dheg begh an bobel genes, ma na'n godheffi dha honan.

Niverow 11:25

Ena an Arloedh a dhiyskynnas y'n gommolenn ha kewsel orto, ha kemmeres neppyth a'n spyrys esa warnodho ha'y worra war an deg henavek ha tri-ugens; ha pan bowesas an spyrys warnedha, i a brofoesas. Mes ny wrussons yndellma namoy.

Yowann 16:7

Mes my a lever dhywgh an gwiryonedh, gwell dhywgh yw, my dhe vos yn-kerdh. Rag mar nyns av yn-kerdh, ny dheu an Konforter dhywgh; mes mars av, my a'n dannvon dhywgh.

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 8:17

Ena i a worras aga diwla warnedha, hag i a dhegemmeras an Spyrys Sans.

1 Korinthianys 12:31

Mes yeunewgh yn ter an rohow ughella. Ha my a wra diskwedhes dhywgh fordh hwath bryntinna.

Dewteronomi 21:17

mes ev a aswonn an kynsa-genys, mab an wreg skonys, ow ri dhodho rann dhewblek a bup-tra eus dhodho, rag ev dhe vos kynsa frut y nerth gourel; dhodho gwir an kynsa-genys.

Dewteronomi 34:9

Ha Yoshua mab Nun o lenwys a'n spyrys a furneth, drefenn Moyses dhe worra y dhiwla warnodho; ytho mebyon Ysrael a woslowas orto ha gul kepar dell worhemmynnis an Arloedh dhe Moyses.

1 Timothi 5:17

Bedhes tybys gwiw ri enor dewblek dhe'n henavogyon a rewl yn ta, dres oll an re a lavur yn ger hag yn dyski.