2 Myghternedh 2:2 - An Bibel Kernewek 20234 (Kernewek Kemmyn)

² Elias a leveris dhe Elisha, ‘Gorta omma, my a'th pys, rag an Arloedh re'm dannvonas dhe Bethel.’ Elisha a leveris, ‘Dell vew an Arloedh, ha dell vew dha enev, ny wrav dha asa.’ Ytho i eth yn-nans dhe Bethel.

2 Myghternedh 2:2 Iomraidhean Croise

Jenesis 28:19

Hag ev a elwis hanow an tyller na Bethel, mes Luz o hanow an sita kyns.

1 Myghternedh 12:28

Ytho an myghtern a gemmeras kusul, ha gul dew leugh a owr. Ev a leveris dhe'n bobel, ‘Hwi res eth dhe Yerusalem hir lowr. Ottomma agas duwow, A Ysrael, re'gas dros yn-mes a Ejyp.’

1 Myghternedh 12:29

Ev a settyas an eyl yn Bethel, ha'y gila ev a worras yn Dan.

1 Myghternedh 12:33

Ev eth yn-bann dhe'n alter re wrussa yn Bethel y'n pymthegves dydh a'n ethves mis; ena yn mis re dhewissa ev y honan, ev a fondyas goel rag an Ysraelysi ha mos yn-bann dhe'n alter rag offrynna sakrifisow.

2 Myghternedh 2:23

Ev eth yn-bann alena dhe Bethel. Hag ev ow mos war an fordh, y teuth mebyon vyghan yn-mes a'n sita ha'y skornya, ha leverel dhodho, ‘Ke yn-bann, ty benn-blogh! Ke yn-bann, ty benn-blogh!’

2 Myghternedh 2:4

Hag Elias a leveris dhodho, ‘Elisha, gorta omma, my a'th pys; rag an Arloedh re'm dannvonas dhe Yeriko.’ Hag ev a leveris, ‘Dell vew an Arloedh ha dell vew dha enev, ny wrav dha asa.’ Ytho i a dheuth dhe Yeriko.

2 Myghternedh 2:6

Ena Elias a leveris dhodho, ‘Gorta, my a'th pys, rag an Arloedh re'm dannvonas dhe'n Yordan.’ Mes ev a leveris, ‘Dell vew an Arloedh ha dell vew dha enev, ny wrav dha asa.’ Ytho an dhew eth yn-rag.

2 Myghternedh 4:30

Mes mamm an flogh a leveris, ‘Dell vew an Arloedh, ha dell vew dha enev, ny wrav dha asa.’ Ytho ev a sevis ha'y siwya.

Yeremia 4:2

ha mar tedh ‘Dell vew an Arloedh!’ yn gwirder, yn breus, hag yn ewnder, ena an kenedhlow a omvennik ynno, ha bostya ynno.

1 Yowann 2:19

I eth yn-mes a-dhiworthyn, mes ahanan nyns esens; rag mar pens i ahanan, y pessens genen; mes i eth yn-mes, rag may fo diskwedhys nag esens i oll dhiworthyn ni.

1 Samuel 1:26

Hag yn-medh hi, ‘Ow arloedh, kepar dell vewydh, ow arloedh, yth ov vy an venyn esa sevys rybos omma, ow pysi war an Arloedh.

1 Samuel 17:55

Ha pan welas Sowl bos Davydh ow mos yn-rag erbynn an Filistyas, ev a leveris dhe Abner, kaslewydh an lu, ‘Abner, piw yw an gour yowynk ma mab dhodho?’ Hag yn-medh Abner, ‘Dell vew dha enev, A vyghtern, ny wonn.’

1 Samuel 25:26

‘Ha lemmyn, ow arloedh, dell vew an Arloedh, ha dell vewydh dha honan, drefenn an Arloedh dhe'th lettya rag kabel-goes ha diella dre dha leuv dha honan, lemmyn ytho gas dha eskerens, ha'n re neb a hwila gul drog dhe'm arloedh, bos kepar ha Nabal.