2 Myghternedh 1:2 - An Bibel Kernewek 20234 (Kernewek Kemmyn)

² Lemmyn Ahazia re goedhsa der an lattis yn y jambour y'n soler yn Samaria, hag o klav. Ytho ev a dhannvonas kannasow, ow leverel dhedha, ‘Kewgh ha govynnewgh orth Baal-zebub, duw Ekron, mar kwrav gwellhe dhiworth an kleves ma.’

2 Myghternedh 1:2 Iomraidhean Croise

1 Myghternedh 11:33

Hemm yw drefenn ev dhe'm eskasa ha gordhya Ashtoreth duwes an Sidonysi, Kemosh duw Moab, ha Milkom duw an Ammonysi, ha ny gerdhas yn ow fordhow, ow kul an pyth yw ewn yn ow golok ha gwitha ow ordenansow ha'm breusow, dell wrug y das Davydh.

1 Myghternedh 14:3

Kemmer genes deg torth, tesennow, ha pott a vel, ha ke dhodho; ev a lever dhis pandr'a vydh tenkys an maw.’

1 Myghternedh 22:34

Mes neb gour a dennas y warak ha heb y wodhvos ev a weskis myghtern Ysrael yntra platyow y arvwisk ha'n lurik. Ev a leveris dh'y jaretter, ‘Treyl a-dro ha'm doen yn-mes a'n vatel, rag goliys ov.’

1 Myghternedh 22:40

Ytho Ahab a goskas gans y dasow; ha'y vab Ahazia a dheuth war y lergh.

2 Myghternedh 1:16

Ev a leveris dhodho, ‘Yndellma y lever an ARLOEDH: A-ban dhannvensys kannasow dhe wovynn orth Baal-zebub, duw Ekron, yw drefenn nag eus Duw yn Ysrael? Ny dhiyskynnydh dhiworth an gweli res ythys dhodho. Merwel a wredh, yn sur.’

2 Myghternedh 1:3

Mes el an Arloedh a leveris dhe Elias an Tishbeyas, ‘Sav, yskynn dhe vetya orth kannasow myghtern Samaria ha govynn orta, “Yw drefenn nag eus Duw yn Ysrael mayth ewgh dhe wovynn orth Baal-zebub, duw Ekron?”

2 Myghternedh 1:6

‘Den a dheuth dhe vetya orthyn’, a worthybsons, ‘hag ev a leveris dhyn, “Dehwelewgh dhe'n myghtern a'gas dannvonas ha leverewgh dhodho: Yndellma y lever an Arloedh: Yw drefenn nag eus Duw yn Ysrael may tannvonydh kannasow dhe wovynn orth Baal-zebub, duw Ekron? Rakhenna ny wredh diyskynna dhiworth an gweli res ythys dhodho. Merwel a wredh, yn sur.” ’

2 Myghternedh 17:16

I a asas oll gorhemmynnow an Arloedh aga Duw, ha gul ragdha aga honan imajys teudhys a dhew leugh, ha gul Ashera, ha gordhya oll lu an nevow, ha servya Baal.

Job 31:3

A nyns yw anfeusi rag an dhrogoberer, terroes rag an re a wra droktra?

An Gan a Ganow 2:9

Ow haradow yw kepar hag ewik, po karow yowynk. Ottava, ow sevel a-dryv agan fos, ow mires a-bervedh der an fenestri, ow hwithra der an gloes.

Ysay 19:3

Spyrys Ejyp a fyll a-ji dhodho; my a dhiswra y gusul; i a hwila an idolys ha spyrysyon an re varow, an nygromonsoryon ha'n goelyogyon.

Ysay 2:6

Rag ty re forsakyas dha bobel, chi Yakob, drefenn i dhe vos leun a hudoryon dhiworth an howldrevel, hag a goelyogyon, kepar ha'n Filistysi, hag i a shak diwleuv gans fleghes estrenyon.

Ysay 37:12

A wrug duwow an kenedhlow aga delivra, an kenedhlow a wrug ow thasow aga distrui – Haran, Resef, ha mebyon Eden esa yn Telassar?

Ysay 37:19

ha re dewlis aga duwow y'n tan. I a's distruis, rag ny vons duwow, mes gweyth diwla den, prenn ha men.

Matthew 10:25

Lowr yw dhe'n dyskybel y vos avel y vester, ha'n kethwas avel y arloedh. Mar kalwsons mester an chi Belzebul, pygemmys moy y vayni ev?

Mark 3:22

Ha'n skribys neb a dheuth yn-nans a Yerusalem a leveri, ‘Yma ganso Belzebul, ha dre bryns an dhywolow ymava ow tewlel mes dywolow.’

Luk 11:15

Mes re anedha a leveris, ‘Dre Belzebul pryns an dhywolow y tewl ev an dhywolow mes.’

Oberow 20:9

Hag unn gour yowynk henwys Ewtyghus, esa owth esedha y'n fenester, eth ha bos fethys dre gosk down ha Powl ow kewsel pella. Fethys dre gosk, ev a goedhas yn-nans dhiworth an tressa leur hag ev a veu kemmerys yn-bann yn farow.

Yoshua 15:11

Yth eth an or dhe leder Ekron a'n barth kledh, ha treylya dhe Shikkeron, ha tremena dhe venydh Baala, ha dos dhe Yabneel; ha diwedh an or o an mor.

Breusysi 11:24

A ny dhelledh dhis kavoes an pyth a re dha dhuw Kemosh dhis dh'y gavoes? Hag a ny dhelledh dhyn kavoes oll an pyth a re an Arloedh agan Duw dhyn ni?

Breusysi 5:28

‘Der an fenester y firas, mamm Sisera a lagattas der an lattis: “Prag yw y jarett mar hir ow tos? Prag yth hok mar bell gweskel karn y jarett?”

1 Samuel 5:10

Rakhenna i a dhannvonas argh Duw dhe Ekron. Mes pan dheuth argh Duw dhe Ekron, an Ekronysi a armas ow leverel, ‘Prag y trosons omma dhyn argh Duw Ysrael dh'agan ladha ni ha'gan tus?’