2 Kroniklys 11:16 - An Bibel Kernewek 20234 (Kernewek Kemmyn)

¹⁶ An re dhiworth pub loeth a Ysrael, re settsa aga holonn dhe hwilas an Arloedh, Duw Ysrael, a dheuth war aga lergh dhe Yerusalem, rag sakrifia dhe'n Arloedh, Duw aga thasow.

2 Kroniklys 11:16 Iomraidhean Croise

1 Kroniklys 16:29

Rewgh dhe'n Arloedh an gordhyans a dhegoedh dh'y hanow; drewgh offrynn, ha dewgh a-dheragdho. Gordhyewgh an Arloedh yn tekter sansoleth;

1 Kroniklys 22:1

Ena Davydh a leveris, ‘Hemma a vydh chi an Arloedh Duw ha hemma a vydh alter an offrynn leskys rag Ysrael.’

1 Kroniklys 22:19

Lemmyn settyewgh agas kolonn ha'gas enev dhe hwilas an Arloedh agas Duw. Sevewgh yn-bann ha drehevewgh sentri an Arloedh Duw, may fo dres argh kevambos an Arloedh ha lestri sans Duw a-berth y'n chi drehevys rag hanow an ARLOEDH.’

2 Kroniklys 11:17

I a grevhas gwlaskor Yuda hag i a skoedhyas Rehoboam mab Solomon teyr blydhen, ow kerdhes yn fordh Davydh ha Solomon y'n teyr blydhen na.

2 Kroniklys 15:12

I a entras yn kevambos dhe hwilas an Arloedh, Duw aga thasow, gans oll aga holon ha gans oll aga enev.

2 Kroniklys 15:15

Oll Yuda a lowenhas orth an ti; rag i re dosa gans oll aga holonn. I a'n hwilas gans oll aga bodh, hag ev o kevys gansa. Ha'n Arloedh a ros dhedha powes oll a-derdro.

2 Kroniklys 15:9

Ev a guntellas oll Yuda ha Benyamin, ha'n tus a Efraym, Manasse, ha Simeon esa trigys gansa avel alyons, rag lies re gilfisa dhodho dhiworth Ysrael pan wodhyens bos an Arloedh y Dhuw ganso.

2 Kroniklys 19:3

Byttegyns neppyth a dhader yw kevys ynnos, rag ty re dhiswrug an Asheroth yn-mes a'n tir, ha re settyas dha golonn dhe hwilas Duw.’

2 Kroniklys 20:3

Yehoshafat a berthi own; ev a erviras hwilas an Arloedh, hag ev a ordenas penys der oll Yuda.

2 Kroniklys 20:4

Yuda a omguntellas rag hwilas gweres gans an Arloedh; dhiworth oll sitys Yuda y teuthons rag hwilas an Arloedh.

2 Kroniklys 30:11

Byttegyns yth esa gwer a Asher, Manasse ha Zebulun a omuvelhas hag a dheuth dhe Yerusalem.

Job 34:14

Mar treyllya y golonn dhodho y honan, ha kuntell dhodho y spyrys ha'y anall,

Salmow 108:1

Fast yw ow holonn, A Dhuw; my a gan hag a wormel ynwedh y'm gordhyans.

Salmow 62:10

Na drestyewgh yn garowder, ha na fydhyewgh yn euver yn ladrans; mar moghha rychys, na worrewgh agas kolonn warnodho.

Eksodus 9:21

mes ev neb na wrug vri a er an Arloedh a asas y gethyon ha'y warthek y'n pras.

Daniel 6:14

Pan glewas an geryow ma, an myghtern a veu troblys meur, hag ervira delivra Daniel; ha bys pan sedhas an howl y hwila y sawya.

Hosea 4:8

I a dheber pegh ow fobel, ha hwansek yns dh'aga hammhynseth.

Haggay 1:5

Lemmyn ytho yndellma y lever Arloedh an luyow: Prederewgh a'gas fordhow.

Zekaria 8:21

ha trigoryon unn sita a wra mos dhe'n arall ow leverel, ‘Deun ni devri dhe bysi war an Arloedh ha dhe hwilas Arloedh an luyow. My ow honan a wra mos ynwedh.’

Oberow 11:23

Pan dheuth ha gweles gras Duw ev a lowenhas, hag ev a ynnias war bubonan anedha bos lel dhe'n Arloedh, furv aga holonn,

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 32:46

ev a leveris dhedha, ‘Settyewgh agas kolonn war oll an geryow esov orth aga desta dhywgh hedhyw, a wredh aga gorhemmynna dh'agas mebyon, ow kwaytyas gul oll geryow an lagha ma.

Yoshua 22:19

Mes mars yw avlan tir agas perghennogeth, treusewgh dhe dir perghennogeth an Arloedh le may powes tabernakel an Arloedh, ha kemmerewgh rann ragowgh agas honan yn agan mysk. Saw na rebellyewgh erbynn an Arloedh na er agan pynn ni, ow trehevel ragowgh alter nag yw alter an Arloedh agan Duw.