1 Yowann 5:6 - An Bibel Kernewek 20234 (Kernewek Kemmyn)

⁶ Hemm yw neb a dheuth dre dhowr ha dre woes, Yesu Krist; ha nyns o unnsel dre dhowr, mes dre dhowr ha dre woes. Ha'n Spyrys yw an dustunier, rag an Spyrys yw gwirder.

1 Yowann 5:6 Iomraidhean Croise

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Levitikus 17:11

Rag yma bewnans an kig y'n goes, ha my re'n ros dhywgh war an alter dhe wul dehwelyans rag agas enevow; rag an goes a wra dehwelyans rag an enev.

Zekaria 9:11

Ha ty, drefenn goes dha gevambos, my a wra delivra dha brisnoryon mes a bytt heb dowr.

Matthew 26:28

rag hemm yw ow goes a'n kevambos nowydh yw skoellys rag lies dhe dhehwelyans peghosow.

Matthew 3:16

Ha Yesu pan o besydhys a sevis yn-bann yn-mes a'n dowr dihwans; hag otta, an nevow a veu igerys dhodho, hag ev a welas Spyrys Duw ow tiyskynna avel kolomm hag ow tos warnodho;

Mark 14:24

Hag ev a leveris dhedha, ‘Hemm yw ow goes a'n kevambos nowydh yw skoellys rag lies.

Luk 22:20

Hag yn keth vaner an hanaf wosa i dhe dhybri, ow leverel, ‘An hanaf ma yw an kevambos nowydh y'm goes vy, yw skoellys a-barth dhywgh.

Yowann 14:17

an Spyrys a wiryonedh, neb na yll an bys y dhegemmeres, rag ny'n gwel na ny'n aswonn. Mes hwi a'n aswonn, rag ev a drig genowgh hag ev a vydh ynnowgh.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 15:26

‘Mes pan dheu an Konforter neb a dhannvonav dhywgh dhiworth an Tas, an Spyrys a wiryonedh neb a dheu yn-mes dhiworth an Tas, ev a dheg dustuni ahanav.

Yowann 16:13

Mes pan dheu ev, an Spyrys a wiryonedh, ev a'gas hembronk yn gwiryonedh oll; rag ny gews a'y awtorita y honan, mes ev a gews an pyth a glew, hag ev a dheriv dhywgh an taklow a dheu.

Yowann 3:5

Yesu a worthybis, ‘Yn hwir, yn hwir y lavarav dhis, marnas den a vo genys a dhowr hag a Spyrys, ny yll ev entra yn gwlaskor Duw.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 6:55

Rag ow hig yw boes yn hwir, ha'm goes yw diwes yn hwir.

Oberow 8:36

Hag i ow mos der an fordh, i a dheuth dhe dhowr, hag yn-medh an spadhesik, ‘Otta dowr; pandra'm lett rag bos besydhys?’

Romanyon 3:25

neb a worras Duw yn-rag avel tregeredhva dre fydh yn y woes, dhe dhiskwedhes y ewnder, ow kasa heb kessydhyans an peghosow re bia gwrys kyns;

Efesianys 1:7

yn neb y'gan beus daspren der y woes, gevyans peghosow, war-lergh rychys y ras

Kolossianys 1:4

Ni re glewas a'gas fydh yn Krist Yesu hag a'n kerensa usi genowgh troha'n syns oll,

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

Titus 3:5

ny'gan selwis ev dre wriansow a wrussyn ni yn ewnder, mes war-lergh y dregeredh ev dre wolghi daskenesigeth ha nowydhheans an Spyrys Sans

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

Ebrowyon 12:24

ha dhe Yesu, mayn an kevambos nowydh, ha dhe'n goes skoellys a gews tra well ages goes Abel.

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

Ebrowyon 9:7

mes a-ji dhe'n nessa, nyns a marnas an arghoferyas, hag ev marnas unnweyth y'n vlydhen, ha nyns a heb kemmeres goes hag a offrynn ragdho y honan, ha rag peghosow an bobel gwrys dre wall.

1 Peder 1:2

dewisys war-lergh ragwodhvos Duw an T as, yn sansheans an Spyrys, dhe wostytter ha skoellyans goes Yesu Krist: Gras ha kres re bo palshes dhywgh hwi.

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,

1 Yowann 1:7

Mes mar kerdhyn y'n golewder dell usi ev y'n golewder, ni a'gan beus kowethyans an eyl gans y gila, ha goes Yesu Krist a'gan golgh a bub peghes.

1 Yowann 4:10

Yn hemma yw kerensa, nyns yw ni dhe gara Duw, mes ev dhe dhannvon y Vab dhe vos an dehwelyans rag agan peghosow.

Diskwedhyans 1:5

ha dhiworth Yesu Krist, an test len, an kynsa dineythys a'n re varow, ha rewler myghternedh an norvys. Dhe neb a'gan kar ha'gan delivras mes a'gan peghosow der y woes,

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.