1 Yowann 5:3 - An Bibel Kernewek 20234 (Kernewek Kemmyn)

³ Rag hemm yw kerensa Duw, may hwitthyn ni y worhemmynnow: ha nyns yw y worhemmynnow ankensi.

1 Yowann 5:3 Iomraidhean Croise

2 Myghternedh 18:6

Rag ev a lenas orth an Arloedh ha ny dreylyas dhiworth y siwya, mes ev a withas an gorhemmynnow a ros an Arloedh dhe Moyses.

Salmow 119:140

Dha lavar yw pur dres eghenn, ha'th was a'n kar.

Salmow 119:45

Ha my a gerdh yn rydhses, rag my a hwila dha arghadowyow.

Eksodus 20:6

mes ow tiskwedhes tregeredh war vilyow anedha a'm kar hag a with ow gorhemmynnow.

Lavarow Koth 3:17

Hy fordhow yw fordhow a hwekter, hag oll hy hynsyow yw kres.

Daniel 9:4

Pysi war an Arloedh ow Duw ha konfessya a wrug, ow leverel, ‘Ogh Arloedh, an Duw meur hag euthyk, neb a with an kevambos ha tregeredh rag an re a'n kar ha gwitha y worhemmynnow,

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Matthew 23:4

I a gelm beghyow poes ha kales dhe berthi ha'ga gorra war dhiwskoedh tus, mes i aga honan ny vynnons aga remova gans aga bys.

Yowann 14:15

‘Mara'm kerowgh, hwi a with ow gorhemmynnow.

Yowann 15:10

Mar kwithowgh ow gorhemmynnow, trigewgh y'm kerensa, kepar dell withis vy gorhemmynnow ow Thas ha triga yn y gerensa ev.

Yowann 15:14

Hwi yw ow howetha mar kwrewgh pypynag a worhemmynnav dhywgh.

Romanyon 7:12

Rag an lagha yw sans, ha'n gorhemmynn yw ha sans ha teg ha da.

Romanyon 7:22

Rag y lowenhav yn lagha Duw y'm kowses usi ynnov ow honan,

Dewteronomi 5:10

mes ow tiskwedhes tregeredh dhe vilyow anedha a'm kar hag a with ow gorhemmynnow.

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;

Ebrowyon 8:10

Hemm yw an kevambos hag a wrav gans chi Ysrael wosa an dydhyow na, yn-medh an Arloedh; my a worr ow laghow yn aga brys, ha'ga skrifa war aga holonn, ha my a vydh aga Duw, hag i a vydh ow fobel.

1 Yowann 2:3

Ha dredhi y hyllyn bos sur y'n aswonnyn, mar kwithyn y worhemmynnow.

2 Yowann 1:6

Ha hemma yw kerensa, ni dhe gerdhes war-lergh y worhemmynnow. Hemm yw an gorhemmynn: may kerthowgh ynno, dell re glewsowgh a-dhia'n dalleth.