1 Yowann 5:12 - An Bibel Kernewek 20234 (Kernewek Kemmyn)

¹² Neb a'n jeves an Mab a'n jeves bewnans; neb na'n jeves Mab Duw, ny'n jeves ev bewnans.

1 Yowann 5:12 Iomraidhean Croise

Mark 16:16

Piwpynag a grysso hag a vo besydhys a vydh selwys, mes neb na vynno krysi a vydh dampnys.

Yowann 1:12

Mes kemmys a'n degemmeras, dhedha y ros ev galloes dhe vos fleghes Duw, dhe'n re a grys yn y hanow ev,

Yowann 3:15

may fo bewnans heb diwedh dhe beub a grys ynno.’

Yowann 3:36

Ev neb a grys y'n Mab a'n jeves bewnans heb diwedh, ha neb na grys y'n Mab ny welvydh bewnans; mes sorr Duw a drig warnodho.

Yowann 5:24

Yn hwir, yn hwir y lavarav dhywgh, ev neb a glew ow ger hag a grys yn neb a'm dannvonas, yma dhodho bewnans heb diwedh, ha ny dheu dhe'n vreus, mes re dremenas a vernans dhe vewnans.

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

Galatianys 2:20

bew ov, mes na fella my ow honan, mes Krist a vew ynnov; an bewnans a'm beus y'n eur ma y'n kig my a vew yn fydh Mab Duw neb a'm karas hag omri y honan ragov.

Ebrowyon 3:14

Rag ni a gevrenn yn Krist pan synsyn agan kynsa fydhyans fyrv dhe'n diwedh.

2 Yowann 1:9

Piwpynag ello re bell yn-rag, heb triga yn dyskas Krist, nyns eus dhodho Duw. Neb a drig y'n dyskas, yma dhodho keffrys an Tas ha'n Mab.