1 Yowann 4:9 - An Bibel Kernewek 20234 (Kernewek Kemmyn)

⁹ Dre hemma y feu diskwedhys kerensa Duw orthyn, drefenn Duw dhe dhannvon y unn Vab dineythys y'n bys, rag may fewen dredho.

1 Yowann 4:9 Iomraidhean Croise

Jenesis 22:2

Hag yn-medh ev, ‘Kemmer dha vab, dha unn vab Ysak a gerydh, ha ke dhe bow Moria ha'y offra ena avel offrynn leskys war onan an menydhyow a lavarav dhis.’

Salmow 2:7

My a dheriv ordenans an Arloedh; ev a leveris dhymm, ‘Ty yw ow mab, hedhyw my re'th tineythis.

Mark 12:6

Yth esa dhodho hwath unn mab karadow; ev a'n dannvonas dhedha wortiwedh, ow leverel, “Gul vri a'm mab i a wra.”

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,

Yowann 10:10

Ny dheu lader saw dhe ladra, ha ladha, ha distrui; my yw devedhys rag may fo dhedha bewnans, ha may fo dhedha palster anodho.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Yowann 3:18

Nyns yw breusys neb a grys ynno ev; mes neb na grys yw breusys seulabrys, rag ny grysis yn hanow an unn Vab dineythys a Dhuw.

Yowann 5:23

may hwrello peub enora an Mab, kepar dell enorons an Tas. Neb na enor an Mab ny enor an Tas neb a'n dannvonas.

Yowann 6:29

Yesu a worthybis ha leverel dhedha, ‘Hemm yw ober Duw, hwi dhe grysi ynno ev neb a wrug y dhannvon.’

Yowann 6:51

My yw an bara bew a dheuth yn-nans dhiworth nev; mar teber den a'n bara ma, ev a vew bynitha; ha'n bara a rov yw ow hig, rag bewnans an bys.’

Yowann 6:57

Dell y'm dannvonas an Tas bew, ha my a vew der an Tas, yndella neb a'm deber, henna a'n jevydh bewnans dredhov vy.

Yowann 8:29

Yma genev vy ev neb a'm dannvonas. Ny'm gasas ow honan, rag pup-prys my a wra an pyth yw plegadow dhodho.’

Yowann 8:42

Yn-medh Yesu dhedha, ‘Mar pe Duw agas Tas, hwi a wrussa ow hara; rag my a dheuth dhiworth Duw, hag omma yth esov. Nyns ov vy devedhys ahanav ow honan, mes ev a'm dannvonas.

Yowann 9:3

Yesu a worthybis, ‘Ny beghas naneyl an den ma na'y gerens, mes may fe diskwedhys ynno oberow Duw.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

Ebrowyon 1:5

Rag dhe by el y leveris Duw bythkweth, ‘Ty yw ow Mab; hedhyw my re'th tineythis’? Po arta, ‘My a vydh Tas dhodho, hag ev a vydh dhymm Mab’?

1 Yowann 3:16

Dredhi ni a wel kerensa, drefenn ev dhe hepkorr y vewnans ragon: ha ni a dal hepkorr agan bewnans rag an brederedh.

1 Yowann 4:10

Yn hemma yw kerensa, nyns yw ni dhe gara Duw, mes ev dhe dhannvon y Vab dhe vos an dehwelyans rag agan peghosow.

1 Yowann 4:16

Ha ni re aswonnis, ha krysi an gerensa a'n jeves Duw orthyn. Duw yw kerensa; ha neb a drig yn kerensa a drig yn Duw, ha Duw a drig ynno ev.

1 Yowann 5:11

Ha hemm yw an dustuni, Duw dhe ri dhyn bewnans heb diwedh, ha bos an bewnans ma yn y Vab.

1 Yowann 5:13

My re skrifas an re ma dhywgh a grys yn hanow Mab Duw, rag may hwodhvowgh bos dhywgh bewnans heb diwedh.