1 Yowann 4:7 - An Bibel Kernewek 20234 (Kernewek Kemmyn)

⁷ Hwi garadowyon, keryn an eyl y gila: rag yma kerensa a Dhuw; ha pubonan a gar yw genys a Dhuw, hag a aswonn Duw.

1 Yowann 4:7 Iomraidhean Croise

Yowann 13:34

Gorhemmynn nowydh a rov dhywgh, hwi dhe gara an eyl y gila; dell wrugavy agas kara, hwi ynwedh dhe gara an eyl y gila.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

1 Korinthianys 8:3

mes nebonan mar kar Duw, aswonnys ganso yth ywa.

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

Galatianys 4:9

mes y'n eur ma owth aswonn Duw, mes moy yn tevri aswonnys gans Duw, fatell esowgh ow treylya arta war-tu ha'n elvennow gwann hag ydhil, may fynnowgh bos arta kethyon dhedha avel kyns?

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Dewteronomi 30:6

An Arloedh dha Dhuw a drodregh dha golonn ha kolonn dha has dhe gara an Arloedh dha Dhuw gans oll dha golonn ha gans oll dha enev, rag may fewi.

2 Timothi 1:7

Rag ny ros Duw dhyn spyrys ownek mes spyrys a alloes, a gerensa hag a omrewl.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

1 Yowann 2:10

Neb a gar y vroder a drig y'n golewder ha nyns eus ynno ken a drebuchya.

1 Yowann 2:29

Mar kodhowgh y vos ewn, y hwodhowgh pubonan a wra ewnder dhe vos dineythys anodho.

1 Yowann 2:3

Ha dredhi y hyllyn bos sur y'n aswonnyn, mar kwithyn y worhemmynnow.

1 Yowann 2:4

Neb a lever, ‘My a'n aswonn’, mes ny with y worhemmynnow, gowleveryas yth yw ev, ha nyns usi an gwirder ynno.

1 Yowann 2:7

Hwi garadowyon, ny skrifav dhywgh gorhemmynn nowydh, mes gorhemmynn koth a'gas bo a-dhia'n dalleth. An gorhemmynn koth yw an ger re glewsowgh.

1 Yowann 3:9

Neb yw dineythys a Dhuw, ny begh ev; rag y has a bes ynno: ha ny yll ev pegha, drefenn y vos dineythys a Dhuw.

1 Yowann 4:11

Hwi garadowyon, kemmys mara'gan kara Duw, ni a dal kara an eyl y gila.

1 Yowann 4:12

Bythkweth ny welas denvyth Duw. Mar keryn an eyl y gila, Duw a drig ynnon, ha'y gerensa yw perfydhhes ynnon.

1 Yowann 4:16

Ha ni re aswonnis, ha krysi an gerensa a'n jeves Duw orthyn. Duw yw kerensa; ha neb a drig yn kerensa a drig yn Duw, ha Duw a drig ynno ev.

1 Yowann 4:20

Mar lever nebonan, ‘My a gar Duw’, ha kasa y vroder, gowleveryas yw: rag neb na gar y vroder a welas ev, ny woer ev kara Duw na welas ev.

1 Yowann 4:8

Neb na gar ny aswonn ev Duw; rag Duw yw kerensa.

1 Yowann 5:1

Pub huni a grys Yesu dhe vos an Krist yw genys a Dhuw; ha pub huni a gar dineythor a gar ynwedh an flogh dineythys ganso.

2 Yowann 1:5

Ha lemmyn my a'th pys, A arloedhes, nyns yw par dell ven ow skrifa gorhemmynn nowydh dhis, mes an gorhemmynn a'gan beu a-dhia'n dalleth, may keryn an eyl y gila.