1 Yowann 4:5 - An Bibel Kernewek 20234 (Kernewek Kemmyn)

⁵ A'n bys ymons, yndella y kewsons a'n bys, ha'n bys a's klew.

1 Yowann 4:5 Iomraidhean Croise

Salmow 17:4

A-dro dhe oberow den, herwydh geryow dha dhiwweus, my re omwithas rag hynsyow an den garow.

Yeremia 29:8

Rag yndellma y lever Arloedh an luyow, Duw Ysrael: Na esewgh an brofoesi ha'n goelyogyon yn agas mysk dh'agas toella, ha na woslowewgh orth an hunrosow a hunrosons.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Mika 2:11

Mar kertha gour a-dro ow kowleverel gans gwyns ha gowegneth, ‘My a brofoes dhis a win hag a gorev’, ev a via an profoes rag an bobel ma!

Luk 16:8

Ha'n mester a gommendyas an rennyas dislel, rag ev dhe wul yn fur. Rag mebyon an bys ma yw moy doeth a-dro dh'aga hevoesogyon es dell yw mebyon an golow.

Yowann 17:14

My a ros dhedha dha er, ha'n bys a's kasas, rag nyns esons i a'n bys, kepar dell nag esov vy a'n bys.

Yowann 17:16

Nyns yns i a'n bys, kepar dell nag ov vy a'n bys.

Yowann 3:31

Ev neb a dheu a wartha yw dres pup-tra; ev neb yw a'n nor yw a'n nor hag ev a gews a'n nor. Ev neb a dheu a nev yw dres pup-tra

Yowann 8:23

Hag yn-medh ev dhedha, ‘Hwi yw dhiworth a-woeles, my yw a-wartha. Hwi yw a'n bys ma, nyns ov vy a'n bys ma.

2 Timothi 4:3

Rag an termyn a dheu ma na berthons dyskas yagh, mes war-lergh aga hwansow, kuntell dyskadoryon ragdha aga honan a wrons i, ow kosa aga diwskovarn,

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.