1 Yowann 4:4 - An Bibel Kernewek 20234 (Kernewek Kemmyn)

⁴ A Dhuw yth esowgh hwi, A fleghigyow, ha hwi re's fethas: drefenn bos ynnowgh neb yw brassa ages neb usi y'n bys.

1 Yowann 4:4 Iomraidhean Croise

Yowann 12:31

Lemmyn yth yw breus an bys ma, lemmyn y fydh pryns an bys ma tewlys yn-mes.

Yowann 14:30

Ny wrav vy kewsel meur genowgh na fella, rag pryns an bys a dheu; ha ny'n jeves galloes warnav.

Yowann 16:11

hag a-dro dhe vreus, rag pryns an bys ma yw breusys.

Yowann 17:23

my ynna i, ha ty ynnov vy, may fons i gwrys perfydh yn onan, may hwodhvo an bys ty dhe'm dannvon, ha'ga hara i kepar dell wrussys ow hara vy.

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Romanyon 8:37

Mes yn oll an taklow ma moy es tryghoryon on dredho ev neb a'gan kara.

1 Korinthianys 2:12

Ha ny dhegemmersyn spyrys an bys mes an Spyrys usi dhiworth Duw, may konvetthyn an taklow res yn hel dhyn ni gans Duw.

1 Korinthianys 6:13

‘Boes rag an benn-gasenn, ha'n benn-gasenn rag boes’, ha Duw a dhistru ha'n eyl ha'y gila. Nyns yw an korf rag fornikasyon mes rag an Arloedh, ha'n Arloedh rag an korf.

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

Efesianys 2:2

may kerdhsowgh ynna war-lergh gis an bys ma, war-lergh penntern galloes an ayr, an spyrys a ober lemmyn yn mebyon diwostytter;

Efesianys 3:17

may trikko Krist, dre fydh, yn agas kolonn, gwreydhys ha selys yn kerensa,

Efesianys 6:10

Wor'tiwedh, bedhewgh krev y'n Arloedh, hag y'n nerth a'y alloes.

1 Yowann 2:1

Ow fleghigyow, an re ma a skrifav dhywgh, rag na begghowgh. Ha mar pegh denvyth, yma dhyn pledyas gans an Tas, Yesu Krist, an gwiryon.

1 Yowann 2:13

My a skrif dhywgh hwi, tasow, drefenn hwi dh'y aswonn neb usi a-dhia'n dalleth. My a skrif dhywgh, gwer yowynk, drefenn hwi dhe fetha an tebel el. My a skrif dhywgh hwi, fleghigyow, drefenn hwi dhe aswonn an Tas.

1 Yowann 3:20

Rag mara'gan kuhudh agan kolonn ni, Duw yw brassa ages agan kolonn, hag a woer pup-tra.

1 Yowann 3:24

Ha'n re a with y worhemmynnow, a drig ynno, hag ynna ev a drig. Ha dredhi y hwodhon y trig ev ynnon, der an spyrys re ros dhyn.

1 Yowann 4:13

Dredhi y hwodhon ni dhe driga ynno, hag ynnon ni ev dhe driga, drefenn ev dhe ri dhyn a'y Spyrys.

1 Yowann 4:16

Ha ni re aswonnis, ha krysi an gerensa a'n jeves Duw orthyn. Duw yw kerensa; ha neb a drig yn kerensa a drig yn Duw, ha Duw a drig ynno ev.

1 Yowann 4:6

A Dhuw yth eson: neb a aswonn Duw a'gan klew; neb nag usi a Dhuw, ev ny'gan klew ni. Yndella yth aswonnyn an spyrys a wirder, ha'n spyrys a gammdybyans.

1 Yowann 5:19

Ni a woer ni dhe vos a Dhuw, ha bos oll an bys yn nerth an tebel el.

1 Yowann 5:4

Rag piwpynag a vo genys a Dhuw a feth an bys. Ha hemm yw an budhogoleth a fethas an bys: agan fydh.

Diskwedhyans 12:11

Hag i a'n fethas dre woes an Oen ha dre er aga dustuni, ha ny garsons aga bewnans bys yn ankow.