1 Yowann 4:1 - An Bibel Kernewek 20234 (Kernewek Kemmyn)

¹ Hwi garadowyon, na grysewgh dhe bub spyrys, mes prevewgh an spyrysyon, mars esons i a Dhuw: rag gallas fals profoesi bals yn-mes dhe'n bys.

1 Yowann 4:1 Iomraidhean Croise

1 Myghternedh 13:18

Ena ev a leveris dhodho, ‘My yw profoes ynwedh kepar dell os, hag el a gewsis dhymm dre er an Arloedh: Doro ev genes dhe'th chi may teppro boes hag eva dowr.’ Mes yth esa ow kowleverel.

Lavarow Koth 14:15

An den sempel a grys pup-tra, mes an den doeth a breder a gammow y dhewdroes.

Yeremia 14:14

Ena an Arloedh a leveris dhymm: An brofoesi a brofoes gowyow y'm hanow vy: ny's dannvenis, na ny gorhemmynnis dhedha, na kewsel dhedha: i a brofoes dhywgh fals welesigeth ha koeg dhewinieth, ha toell aga holonn.

Yeremia 23:16

Yndellma y lever Arloedh an luyow: Na woslowewgh orth geryow an brofoesi a brofoes dhywgh; i a'gas gwra koeg: i a gews gwelesigeth aga holonn aga honan, a-der a-dhiworth ganow an Arloedh.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Mark 13:21

Hag ena mar lever dhywgh den vyth, “Ottomma an Krist” po “Mir, ottava!”, na wrewgh krysi.

Luk 12:57

‘Prag na vreusowgh ragowgh hwi agas honan an pyth yw ewn?

Luk 21:8

Yn-medh ev, ‘Gwaytyewgh ma na vowgh toellys; rag lies a dheu y'm hanow vy ow leverel, “My yw”, hag “An termyn re nesas.” Na holyewgh war aga lergh.

Oberow 17:11

ha'n dus ma o gwell yn aga gnas ages an re na yn Thessalonika, rag i a dhegemmeras an ger gans mall meur, ow hwithra an skryptors pub dydh, dhe weles mar pe gwir an taklow ma.

Oberow 20:29

My a woer y teu wosa ow mones dhe-ves bleydhi gwyls, heb sparya an para,

1 Korinthianys 12:10

dhe onan arall galloes dhe oberi merklys, dhe onan arall profoesans, dhe onan arall godhvos dhe dhissernya yntra spyrysyon, dhe onan arall divers tavosow, ha dhe onan arall styr tavosow;

1 Korinthianys 14:29

Dew po tri frofoes kewsens; ha'n re erell, breusens;

1 Thessalonianys 5:20

Na wrewgh dispresya profoesans.

1 Thessalonianys 5:21

Prevewgh pup-tra, synsewgh an pyth yw da.

2 Thessalonianys 2:2

na vewgh kryghyllys skav yn-mes a'gas brys nag amovys dre spyrys, na dre lavar, na dre lyther kepar ha pan ve dhiworthyn ni, ow terivas bos devedhys dydh an Arloedh.

1 Timothi 4:1

An Spyrys a lever yn tiblans re dhe asa an fydh yn termynyow diwettha ha gul vri a fals spyrysyon ha dyskasow dywolow;

2 Timothi 3:13

Mes tus dhrog ha faytours a wra mos yn-rag gweth ha gweth ow toella, hag ow pos toellys.

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

1 Yowann 2:18

A fleghigyow, yth yw an diwettha eur: ha dell re glewsowgh y teu Antekrist, y'n eur ma yma ynwedh lies Antekrist; dredhi y hwodhon hy bos an diwettha eur.

1 Yowann 2:7

Hwi garadowyon, ny skrifav dhywgh gorhemmynn nowydh, mes gorhemmynn koth a'gas bo a-dhia'n dalleth. An gorhemmynn koth yw an ger re glewsowgh.

2 Yowann 1:7

Rag toelloryon bals re entras y'n bys, na gonfessyons Yesu Krist dhe vos devedhys y'n kig. Hemm yw an toeller ha'n Antekrist.

3 Yowann 1:11

A garadow, na wra war-lergh an drog mes gwra war-lergh an da. Neb a wra da yma ev a Dhuw; neb a wra an drog ev ny welas Duw.

Diskwedhyans 2:2

‘My a aswonn dha wriansow ha'th lavur ha'th perthyans, ha fatell na yllydh godhav tus dhrog, ha ty re brovas an re a lever aga bos abesteli heb bos yndellma, ha kavoes aga bos gowygyon.