1 Yowann 3:10 - An Bibel Kernewek 20234 (Kernewek Kemmyn)

¹⁰ Yn homma yth yw diskwedhys fleghes Duw, ha fleghes an jowl: neb na wra ewnder, nyns usi ev a Dhuw, na'n den na gar y vroder.

1 Yowann 3:10 Iomraidhean Croise

2 Samuel 13:22

Ha ny gewsis Absalom dh'y vroder naneyl da na drog; rag Absalom a gasas Amnon, drefenn ev dhe uvelhe y hwoer Tamar.

Matthew 13:38

ha'n gwel yw an bys, ha'n has da yw mebyon an wlaskor; mes an ivra yw mebyon an tebel el,

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Yowann 1:12

Mes kemmys a'n degemmeras, dhedha y ros ev galloes dhe vos fleghes Duw, dhe'n re a grys yn y hanow ev,

Yowann 11:52

ha ny via unnsel rag an genedhel, mes rag kuntell war-barth yn onan fleghes Duw neb a veu skattrys.

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Yowann 8:47

Ev neb yw a Dhuw a glew geryow Duw; rakhenna, hwi ny glewowgh, drefenn nag owgh hwi a Dhuw.’

Oberow 13:10

‘A, lenwys a bub toell hag a bub frows, mab an jowl, eskar pub ewnder, a ny vynn'ta hedhi, kamma fordhow ewn an Arloedh?

Romanyon 13:8

Na vydh kendoner marnas yn kerensa an eyl dh'y gila; rag neb a gar y gentrevek, henna re gowlwrug an lagha.

Efesianys 5:1

Ytho, gwrewgh Duw agas patron, kepar ha fleghes karadow,

Kolossianys 3:14

Ha dres oll an taklow ma, gwiskewgh kerensa, yw an golmenn a berfydhder.

1 Timothi 1:5

Mes towl an arghadow yw kerensa yn-mes a golonn lan ha kowses da ha fydh heb gil.

1 Yowann 2:29

Mar kodhowgh y vos ewn, y hwodhowgh pubonan a wra ewnder dhe vos dineythys anodho.

1 Yowann 3:1

Otta, py par kerensa re ros an Tas dhyn, bys ma'gan henwir fleghes Duw. Ytho ny'gan aswonn an bys drefenn na'n aswonni ev.

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.

1 Yowann 4:21

Ha'n gorhemmynn ma a'gan beus ganso: Neb a gar Duw, kares y vroder ynwedh.

1 Yowann 4:6

A Dhuw yth eson: neb a aswonn Duw a'gan klew; neb nag usi a Dhuw, ev ny'gan klew ni. Yndella yth aswonnyn an spyrys a wirder, ha'n spyrys a gammdybyans.

1 Yowann 4:8

Neb na gar ny aswonn ev Duw; rag Duw yw kerensa.

1 Yowann 5:19

Ni a woer ni dhe vos a Dhuw, ha bos oll an bys yn nerth an tebel el.

1 Yowann 5:2

Dre hemma y hwodhon y keryn fleghes Duw, pan geryn Duw ha gwitha y worhemmynnow.

3 Yowann 1:11

A garadow, na wra war-lergh an drog mes gwra war-lergh an da. Neb a wra da yma ev a Dhuw; neb a wra an drog ev ny welas Duw.