1 Yowann 3:1 - An Bibel Kernewek 20234 (Kernewek Kemmyn)

¹ Otta, py par kerensa re ros an Tas dhyn, bys ma'gan henwir fleghes Duw. Ytho ny'gan aswonn an bys drefenn na'n aswonni ev.

1 Yowann 3:1 Iomraidhean Croise

2 Samuel 7:19

Hwath tra vyghan o y'th wolok, A Arloedh Duw; ty re gewsis ynwedh a ji dha was rag termyn hir dhe dhos. Yw hemma dha fordh usadow a dhyghtya mab-den, A Arloedh Duw?

Salmow 31:19

Ass yw meur dha dhader, a dharbarydh dhe'n re a'th own, a wrussys rag an re a hwila skovva ynnos jy a-dherag mebyon den!

Yeremia 3:19

Mes my a leveris, Fatell wrav vy dha worra yn mysk ow mebyon, ha ri dhis tir plegadow, an tekka ertach a'n kenedhlow oll? Ha my a leveris, Ty a'm galow, Ow thas; ha ny dreylydh arta ahanav.

Hosea 1:10

Hwath y fydh niver fleghes Ysrael avel tewes an mor, na yll bos musurys na niverys. Y'n tyller may feu leverys dhedha, ‘Nyns owgh hwi ow fobel’, y fydh leverys dhedha, ‘Mebyon an Duw bew.’

Luk 20:36

na hwath ny yllons merwel na fella, rag yth yns i avel eledh, hag yth yns i fleghes a Dhuw, rag i dhe vos fleghes a'n dasserghyans.

Yowann 1:12

Mes kemmys a'n degemmeras, dhedha y ros ev galloes dhe vos fleghes Duw, dhe'n re a grys yn y hanow ev,

Yowann 11:52

ha ny via unnsel rag an genedhel, mes rag kuntell war-barth yn onan fleghes Duw neb a veu skattrys.

Yowann 15:21

Mes oll an taklow ma a wrons dhywgh a-barth ow hanow, rag ny'n aswonnons neb a'm dannvonas.

Yowann 16:3

Ha hemma a wrons rag ny aswonnsons naneyl an Tas na my.

Yowann 17:25

‘A Das gwiryon, ny wra an bys dha aswonn, mes my a'th aswonn, ha'n re ma a woer ty dhe'm aswonn.

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Romanyon 5:8

Mes Duw a dhiskwa y gerensa dhyn drefenn Krist dhe verwel ragon ha ni hwath peghadoryon.

Romanyon 8:19

Rag an kreasyon a wayt gans mall an diskwedhyans a vebyon Duw.

Romanyon 8:21

drefenn an kreasyon y honan dhe vos rydhhes dhiworth kethneth podredhes dhe rydhses golewder fleghes Duw.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

2 Korinthianys 6:18

ha tas vydhav dhywgh ha mebyon ha myrghes vydhowgh hwi dhymm, yn-medh an Arloedh Ollgalloesek.’

Galatianys 3:26

Rag yth owgh hwi oll mebyon Duw dre fydh yn Krist Yesu,

Galatianys 3:29

ha mars owgh hwi dhe Grist, ytho yth owgh hwi has Abraham, heryon herwydh ambos.

Dewteronomi 14:1

Hwi yw mebyon dhe'n Arloedh agas Duw: ny omhakkyowgh, na ny wrewgh bloghter ynter agas dewlagas rag den marow.

Kolossianys 3:3

Rag hwi re verwis, ha'gas bewnans yw kudhys gans Krist yn Duw.

1 Yowann 3:10

Yn homma yth yw diskwedhys fleghes Duw, ha fleghes an jowl: neb na wra ewnder, nyns usi ev a Dhuw, na'n den na gar y vroder.

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.

1 Yowann 4:17

Dre hemma yth yw agan kerensa perfydhhes, rag ma'gan bo fydhyans dydh breus; rag dell yw ev, yndella yth on y'n bys ma.

Diskwedhyans 21:7

Neb a feth a wra erita an taklow ma; ha my a vydh y Dhuw, hag ev a vydh ow mab.