1 Yowann 2:7 - An Bibel Kernewek 20234 (Kernewek Kemmyn)

⁷ Hwi garadowyon, ny skrifav dhywgh gorhemmynn nowydh, mes gorhemmynn koth a'gas bo a-dhia'n dalleth. An gorhemmynn koth yw an ger re glewsowgh.

1 Yowann 2:7 Iomraidhean Croise

Levitikus 19:18

Ny wre'ta diella, na berthi envi erbynn fleghes dha bobel, mes ty a gar dha gentrevek kepar ha ty dha honan. An Arloedh ov vy.

Levitikus 19:34

An alyon trigys genowgh a vydh dhywgh kepar ha genesik yntredhowgh. Ty a'n kar kepar ha ty dha honan, rag hwi o alyons yn pow Ejyp. An Arloedh agas Duw ov vy.

Matthew 5:43

‘Hwi re glewas bos leverys, “Ty gwra kara dha gentrevek ha kasa dha eskar.”

Yowann 13:34

Gorhemmynn nowydh a rov dhywgh, hwi dhe gara an eyl y gila; dell wrugavy agas kara, hwi ynwedh dhe gara an eyl y gila.

Oberow 17:19

Hag orth y synsi i a'n ledyas dhe'n Areopagus, ow leverel, ‘A yllyn ni godhvos pyth yw an dyskas nowydh ma hag a dherivydh?

Dewteronomi 6:5

ty a gar an Arloedh dha Dhuw gans oll dha golonn, ha gans oll dha enev, ha gans oll dha nerth.

Ebrowyon 6:9

Kyn kewsyn yndellma, yn agas kas hwi, karadowyon, surhes on a daklow gwell a dheu gans selwyans.

1 Yowann 2:24

Triges ynnowgh, an pyth re glewsowgh a-dhia'n dalleth. Mar trig ynnowgh an pyth re glewsowgh a-dhia'n dalleth, hwi ynwedh a wra triga y'n Mab hag y'n Tas.

1 Yowann 3:11

Rag hemm yw an messaj re glewsowgh a-dhia'n dalleth, may karren an eyl y gila.

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.

1 Yowann 3:21

Hwi garadowyon, mar ny'gan kuhudh agan kolonn, ytho ni agan beus fydhyans a-rag Duw.

1 Yowann 3:23

Ha hemm yw y worhemmynn, may kryssyn yn hanow y Vab Yesu Krist, ha may kyrryn an eyl y gila, dell ros gorhemmynn dhyn.

1 Yowann 4:1

Hwi garadowyon, na grysewgh dhe bub spyrys, mes prevewgh an spyrysyon, mars esons i a Dhuw: rag gallas fals profoesi bals yn-mes dhe'n bys.

1 Yowann 4:11

Hwi garadowyon, kemmys mara'gan kara Duw, ni a dal kara an eyl y gila.

1 Yowann 4:21

Ha'n gorhemmynn ma a'gan beus ganso: Neb a gar Duw, kares y vroder ynwedh.

1 Yowann 4:7

Hwi garadowyon, keryn an eyl y gila: rag yma kerensa a Dhuw; ha pubonan a gar yw genys a Dhuw, hag a aswonn Duw.