1 Yowann 2:4 - An Bibel Kernewek 20234 (Kernewek Kemmyn)

⁴ Neb a lever, ‘My a'n aswonn’, mes ny with y worhemmynnow, gowleveryas yth yw ev, ha nyns usi an gwirder ynno.

1 Yowann 2:4 Iomraidhean Croise

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Titus 1:10

Rag yma lies den heb rewl a gews yn euver hag yn hwowek, dres oll tus an trodreghyans.

Titus 1:16

I a lever i dhe aswonn Duw, mes yn aga gwriansow i a'n nagh. Kasadow ha diwostydh yns i hag anwiw rag pub gwrians da.

1 Yowann 1:10

Mar leveryn na beghsyn, ni a'n gwra gowek, ha nyns usi y er ynnon.

1 Yowann 1:6

Mar leveryn bos dhyn kowethyans ganso, hag y kerdhyn yn tewlder, gowleverel a wren, ha ny wren an pyth yw gwir.

1 Yowann 1:8

Mar leveryn na'gan bos peghes, yth omdoellyn, ha nyns usi an gwirder ynnon.

1 Yowann 2:3

Ha dredhi y hyllyn bos sur y'n aswonnyn, mar kwithyn y worhemmynnow.

1 Yowann 2:9

Neb a lever y vos y'n golewder, hag a gas y vroder, yma ev y'n tewlder bys omma.

1 Yowann 3:6

Ny begh neb a drig ynno: neb a begh, ny'n gwelas na'n aswonnis.

1 Yowann 4:20

Mar lever nebonan, ‘My a gar Duw’, ha kasa y vroder, gowleveryas yw: rag neb na gar y vroder a welas ev, ny woer ev kara Duw na welas ev.

1 Yowann 4:7

Hwi garadowyon, keryn an eyl y gila: rag yma kerensa a Dhuw; ha pubonan a gar yw genys a Dhuw, hag a aswonn Duw.