1 Yowann 2:2 - An Bibel Kernewek 20234 (Kernewek Kemmyn)

² Hag ev yw dehwelyans rag agan peghosow: ha nyns yw unnsel rag agan peghosow ni, mes ynwedh rag peghosow an bys oll.

1 Yowann 2:2 Iomraidhean Croise

Levitikus 16:10

Mes an bogh may koedhas warnodho an prenn dhe vos an bogh-diank a vydh settys bew dherag an Arloedh dhe wul dehwelyans ganso ha dhe vos dannvenys avel bogh-diank y'n difeythtir.

Luk 14:22

Ha'n gwas a leveris, “Mester, re beu gwrys dell erghsys, hag yma hwath spas.”

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Yowann 12:32

Ha my, pan viv drehevys a'n norvys, a denn tus oll dhymmo vy.’

Yowann 4:42

hag yn-medhons dhe'n venyn, ‘Ny grysyn na fella drefenn dha lavar jy, mes ni agan honan re glewas ha godhvos hemma dhe vos yn hwir Selwador an bys.’

Ebrowyon 2:17

Ytho, y tegoedhva dhodho bos haval dh'y vreder yn pub tremmynn, mayth ella ha bos arghoferyas tregeredhus ha lel yn gonis Duw, dhe wul dehwelyans rag peghosow an bobel.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

1 Yowann 1:7

Mes mar kerdhyn y'n golewder dell usi ev y'n golewder, ni a'gan beus kowethyans an eyl gans y gila, ha goes Yesu Krist a'gan golgh a bub peghes.

1 Yowann 3:5

Ha hwi a woer y feu diskwedhys rag doen agan peghosow dhe-ves; hag ynno nyns eus peghes.

1 Yowann 4:10

Yn hemma yw kerensa, nyns yw ni dhe gara Duw, mes ev dhe dhannvon y Vab dhe vos an dehwelyans rag agan peghosow.

1 Yowann 4:14

Ha ni re welas ha ni a deg dustuni, y hwrug an Tas dannvon an Mab dhe vos Selwador an bys.

1 Yowann 5:19

Ni a woer ni dhe vos a Dhuw, ha bos oll an bys yn nerth an tebel el.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.