1 Yowann 1:5 - An Bibel Kernewek 20234 (Kernewek Kemmyn)

⁵ Hemm yw an messaj re glewsyn ganso, hag a dherivyn dhywgh, Duw dhe vos golewder ha nag eus ynno tewlder vytholl.

1 Yowann 1:5 Iomraidhean Croise

Salmow 139:12

hwath nyns yw tewolgow tewl genes jy, mes an nos a splann avel an jydh; kehaval yw an tewolgow ha'n golow genes jy.

Salmow 27:1

An Arloedh yw ow golow ha'm selwyans; piw anodho y porthav own? An Arloedh yw kastell ow bewnans; piw anodho y fydhav ownek?

Salmow 36:9

Rag genes jy yma fenten bewnans; y'th wolow jy y hwelyn ni golow.

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Ysay 2:5

Chi Yakob, dewgh, kerdhyn ni yn golow an Arloedh.

Ysay 60:19

Ny vydh an howl golow ragos byth moy dydhweyth, na ny vydh golow dhis splannder an loer; mes an Arloedh a vydh dhis golow bys vykken, ha dha Dhuw a vydh dha glori.

Daniel 2:22

Ev a dhiskudh taklow down ha kevrinek; ev a aswonn pyth eus y'n tewolgow, ha'n golow usi trigys ganso ev.

Yowann 1:19

Ha hemm yw dustuni Yowann, pan dhannvonas an Yedhewon oferysi ha Levysi dhodho dhiworth Yerusalem, dhe wovynn orto, ‘Piw osta?’

Yowann 1:4

Ynno yth esa bewnans, ha'n bewnans o golow mab-den;

Yowann 1:9

Yth esa an gwir wolow hag a wolow pub den, ow tos y'n bys.

Yowann 8:12

Ytho Yesu a gewsis dhedha arta, ow leverel, ‘My yw golow an bys; neb a'm hol, ny gerdh yn tewlder, mes ev a'n jevydh an golow a vewnans.’

Yowann 9:5

Hedre viv y'n bys, golow an bys ov vy.’

1 Korinthianys 11:23

Rag my a dhegemmeras dhiworth an Arloedh an pyth a res vy ynwedh dhywgh hwi: an Arloedh Yesu, y'n nos may feu traytys, a gemmeras bara,

1 Timothi 6:16

neb yn unnsel yw anvarwel, neb a drig yn golow na yllir dos nes dhodho; neb na wrug denvyth y weles na ny yll denvyth y weles. Dhodho ev re bo enor ha galloes bys vykken. Amen.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

1 Yowann 3:11

Rag hemm yw an messaj re glewsowgh a-dhia'n dalleth, may karren an eyl y gila.

Diskwedhyans 21:23

Ha dhe'n sita nyns esa edhomm a'n howl nag a'n loer dhe splanna ynni, rag splannder Duw a's golowi, ha'n Oen yw hy lugarn.

Diskwedhyans 22:5

Ha ny vydh nos namoy; ha nyns eus edhomm a wolow lugarn po golow howl; drefenn an Arloedh Duw dhe wolowi warnedha: hag i a wra reynya trank heb worfenn.