1 Timothi 6:18 - An Bibel Kernewek 20234 (Kernewek Kemmyn)

¹⁸ Lavar dhedha may hwrons dader, may fons rych yn gwriansow da, may fons hel, parys dhe ranna,

1 Timothi 6:18 Iomraidhean Croise

2 Kroniklys 24:16

I a'n ynkleudhyas yn sita Davydh gans an vyghternedh, drefenn ev dhe wul da yn Ysrael, hag a-barth Duw ha'y ji.

Salmow 112:9

Ev re rannas, ev re ros dhe'n voghosogyon, ha'y ewnder a dhur bys vykken; y gorn a vydh drehevys yn enor.

Salmow 37:3

Trest y'n Arloedh ha gwra da; trig y'n tir, ha bedhes diogeledh yn dha beurva.

Ekklesiastes 11:6

Gwra hasa dha has y'n myttin, ha na as dha leuv dhe bowes bys y'n gorthugher, rag ny wodhesta pyneyl a wra seweni, po hemma po henna, po martesen aga dew war-barth a vydh da.

Ekklesiastes 3:12

My re wodhva nag eus travyth da rag mebyon den marnas bos heudhik ha gul da hedre vons bew,

Ysay 32:8

An den nobyl a dewl towlow nobyl, hag y'n taklow nobyl ev a sev.

Ysay 58:7

A nyns yw ranna dha vara gans an den nownek, ha dri boghosogyon dhiannedh y'th chi; pan welydh den noeth, y gwetha, ha ma na omgudhydh dhiworth dha gig dha honan?

Matthew 5:42

Ro dhe neb a wovynno orthis, ha na wra omdenna dhiworth an den a vynnsa chevisya ahanas.

Luk 12:21

Yndella y fydh dhe neb a guntell tresor dhodho y honan, mes nyns yw rych a-rag Duw.’

Luk 3:11

Ev a worthybis ow leverel dhedha, ‘Neb a'n jeffo dew bows, kevrennes gans neb na'n jeves nagonan, ha neb a'n jeffo boes, gwres y'n keth vaner.’

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Oberow 11:29

Rakhenna an dhyskyblon a erviras, pub huni herwydh y bygans, dannvon sokor dhe'n vreder trigys yn Yudi.

Oberow 9:36

Lemmyn yn Yoppa yth esa unn dhyskybles henwys Tabitha, henn yw dhe styrya Dorkas; an venyn ma o leun a oberow da hag a rians alusenow.

Romanyon 12:13

ow provia rag edhommow an syns, ow siwya helder.

Romanyon 12:8

neb a gennerth, re gennertho neb a gevrenn, re gevrenno yn sempledh; neb a hembronk, re hembronko yn tiwysyk; neb a dhiskwa tregeredh, re bo gans lowena.

1 Korinthianys 16:2

Dhe gynsa dydh pub seythun, pub huni ahanowgh gorres neppyth a-denewen ha'y witha, dell sewenno, ma na vo edhomm a guntell pan dhyffiv.

2 Korinthianys 8:12

Rag mars usi an frethter ena seulabrys, kemmeradow yw herwydh pygans den, a-der herwydh an pyth nag eus ganso.

2 Korinthianys 8:9

Rag hwi a aswonn gras agan Arloedh Yesu Krist, y vos ev gyllys boghosek a-barth dhywgh, kynth o rych, mayth ewgh hwi ha bos rych der y voghosogneth.

Galatianys 6:10

Ytho, hedre vo spas dhyn, gwren ni da dhe bubonan, ha kyns oll dhedha i usi a'n teylu a fydh.

Efesianys 4:28

Neb a lader, na ladres namoy, mes gwres ev lavurya, owth oberi an dra dha gans y dhiwla y honan, may kaffo neppyth dhe ranna gans neb a'n jeffo edhomm.

1 Timothi 5:10

gans dustuni a'y gwriansow da, mar magas fleghes, mar ros hi ostyans dhe estrenyon, mar kolghas treys an syns, mar kweresas an re yn anken, mar omros dhe bub gwrians da.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Titus 3:8

Lel yw an ger. My a vynn ty dhe ynnia an taklow ma, may prederro an re re wrug krysi yn Duw a-dro dhe omri dhe oberow da. An taklow ma yw da ha dhe les dhe vab-den.

Ebrowyon 13:16

Na ankevewgh gul oberow mas na kevrenna an pyth eus genowgh; sakrifisow a'n par ma yw plegadow dhe Dhuw.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

1 Peder 3:11

Treylyes ev dhiworth drog ha gul dader, hwiles ev kres ha'y siwya;

1 Yowann 3:17

Mes neb a'n jeves pyth an bys ma, hag a wel bos dh'y vroder edhomm hag a dhege y golonn orto, fatell drig ynno kerensa Duw?

3 Yowann 1:11

A garadow, na wra war-lergh an drog mes gwra war-lergh an da. Neb a wra da yma ev a Dhuw; neb a wra an drog ev ny welas Duw.