1 Timothi 6:14 - An Bibel Kernewek 20234 (Kernewek Kemmyn)

¹⁴ may hwitthi an gorhemmynn heb namm, heb keredh, bys yn omdhiskwedhyans agan Arloedh Yesu Krist.

1 Timothi 6:14 Iomraidhean Croise

1 Kroniklys 28:20

Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

An Gan a Ganow 4:7

Teg osta, ow hares; nyns eus namm ynnos.

1 Korinthianys 1:8

Ynwedh ev a wra agas krevhe bys y'n diwedh, may fowgh hwi divlam yn dydh agan Arloedh Yesu Krist.

Efesianys 5:27

may proffya an eglos dhodho ev y honan, splann, heb brith na krygh, na travyth a'n par na, saw may fe hi sans ha dinamm.

Filippianys 1:10

rag dissernya an taklow yw an gwella, may fewgh lel ha divlam bys yn dydh Krist,

Filippianys 1:6

ow trestya dhe'n keth tra ma: neb re dhallathas gwrians da ynnowgh dh'y gowlwul bys yn dydh Yesu Krist;

Filippianys 2:15

may fewgh divlam ha heb drog, fleghes heb namm a Dhuw, yn mysk kenedhel gamm ha treus, ha hwi a splann yn aga mysk kepar ha golowys y'n bys,

Kolossianys 1:22

mes lemmyn ev re wrug unnverheans y'n korf a'y gig der y vernans, dh'agas profya sans, dinamm ha divlam a-dheragdho,

Kolossianys 4:17

Ha leverewgh dhe Arghippus, ‘Mir dhe'th oberenn a dhegemmersys y'n Arloedh, ma's kollenwi hi.’

1 Thessalonianys 3:13

dhe fastya agas kolonn divlam yn sansoleth a-dherag agan Duw ha Tas orth devedhyans agan Arloedh Yesu Krist gans y syns oll.

1 Thessalonianys 5:23

Ha'n Dew a gres y honan re'gas sakkro yn tien; ha'gas spyrys ha'gas enev ha'gas korf kowal re bo gwithys divlam orth devedhyans agan Arloedh Yesu Krist.

2 Thessalonianys 2:1

Ni a'gas pys a vreder, a-dro dhe dhevedhyans agan Arloedh Yesu Krist ha'gan kuntellyans war-barth dhodho,

2 Thessalonianys 2:8

Hag ena an den dilagha a vydh diskudhys, neb a wra an Arloedh Yesu y dhistrui gans anall y anow, ha'y dhiswul dre diskwedhyans y dhevedhyans,

1 Timothi 6:20

A Timothi, gwra gwitha an dra re beu res y'th charj, ow treylya dhiworth lavarow gwag hag ansans, ha tybyansow an eyl kontrari dh'y gila, yw henwys ‘Godhvos’ yn fals;

2 Timothi 4:1

A-dherag Duw ha Krist Yesu neb a wra breusi an re yw bew ha'n re yw marow, my a re charj dhis, ha der y omdhiskwedhyans ha'y wlaskor:

Titus 2:13

ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,

Ebrowyon 9:14

pygemmys moy y hwra goes Krist, neb a omoffrynnas heb namm dhe Dhuw der an Spyrys nevra a dhur, golghi agas kowses dhiworth oberow marow dhe servya an Duw bew.

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

1 Peder 1:19

mes gans goes drudh Krist kepar hag oen heb defowt ha heb namm.

1 Peder 1:7

rag may fo kevys prov agas fydh, moy y bris es owr a yll pedri kyn fo prevys gans tan, dhe wormola ha gordhyans hag enor orth diskwedhyans Yesu Krist,

2 Peder 2:21

Gwell via dhedha na wodhviens an fordh a ewnder, es treylya, wosa godhvos, dhiworth an arghadow sans a veu res dhedha.

2 Peder 3:14

Ytho, karadowyon, a-ban esowgh ow kortos an taklow ma, bedhewgh diwysyk, dhe vos kevys ganso dinamm ha divlam, yn kres.

2 Peder 3:2

dhe remembra an lavarow a veu kewsys kyns gans an brofoesi sans, hag a worhemmynn agas Arloedh ha Selwyas der agas abesteli.

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.

Lyther Yud 1:24

Lemmyn dhe neb a yll agas gwitha rag koedha ha'gas gorra heb namm a-rag y wolewder gans heudhder,

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.