1 Timothi 6:13 - An Bibel Kernewek 20234 (Kernewek Kemmyn)

¹³ My a worhemmynn dhis a-dherag Duw a re bewnans dhe bup-tra ha'n Arloedh Yesu Krist a dhustunias gans professyans da a-dherag Pontius Pilat,

1 Timothi 6:13 Iomraidhean Croise

Matthew 27:11

Ha Yesu a sevis a-rag an governour; ha'n governour a wovynnas orto, ow leverel, ‘Ty yw myghtern an Yedhewon?’ Yn-medh Yesu, ‘Ty a'n lever.’

Matthew 27:2

ha wosa i dh'y gelmi, i a'n dug yn-kerdh ha'y dhaskorr dhe Pilat an governour.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 19:11

Yesu a worthybis, ‘Ny via dhis maystri warnav mar ny ve res dhis a wartha; rakhenna yma dhe neb a'm daskorras dhis an brassa pegh.’

Yowann 5:21

Rag kepar dell wra an Tas drehevel an re varow ha ri dhedha bewnans, yndella ynwedh an Mab a re bewnans dhe biwpynag a vynno.

Yowann 5:26

Rag kepar dell eus dhe'n Tas bewnans ynno y honan, yndella ynwedh ev re wrontyas dhe'n Mab kavoes bewnans ynno y honan.

Oberow 17:25

na nyns yw servys gans diwla den kepar ha pan ve dhodho edhomm a neppyth, rag ev a re bewnans hag anall ha pup-tra dhe bub den oll;

2 Korinthianys 9:13

yn prov an menystrans ma hwi a wordh Duw dre wostytter agas avowans a aweyl Krist, ha der agas helder ow kevrenna gansa ha gans tus oll,

Galatianys 3:26

Rag yth owgh hwi oll mebyon Duw dre fydh yn Krist Yesu,

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

1 Timothi 1:12

My a ras dhe neb a re galloes dhymm, Krist Yesu agan Arloedh, rag ev a synsis ow bos lel, ha'm gorra yn y wonis,

1 Timothi 1:15

Len yw an ger ha gwiw dhe bub kemmeryans, Krist Yesu dhe dhos a-bervedh y'n bys dhe selwel peghadoryon; ha'n kynsa anedha ov vy.

1 Timothi 2:5

Rag yma unn Duw hag unn mayn yntra Duw ha mab-den, an den Krist Yesu,

1 Timothi 5:21

My a'th charj a-dherag Duw ha Krist Yesu ha'n eledh dewisys may synsi an taklow ma heb ragvreus, heb gul travyth dre faverans.

1 Timothi 6:12

Striv strivyans da an fydh; gwra synsi an bewnans heb diwedh may feus gelwys dhodho ha may hwrussys professyans da anodho a-dherag lies test.

Diskwedhyans 1:5

ha dhiworth Yesu Krist, an test len, an kynsa dineythys a'n re varow, ha rewler myghternedh an norvys. Dhe neb a'gan kar ha'gan delivras mes a'gan peghosow der y woes,

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 3:14

‘Ha dhe el a'n eglos yn Laodikea skrif: An taklow ma a lever an Amen, an test len ha gwir, dalleth kreasyon Duw:

1 Samuel 2:6

An Arloedh a ladh ha bewhe; ev a dhre dhe ifarn ha drehevel yn-bann.