1 Timothi 6:12 - An Bibel Kernewek 20234 (Kernewek Kemmyn)

¹² Striv strivyans da an fydh; gwra synsi an bewnans heb diwedh may feus gelwys dhodho ha may hwrussys professyans da anodho a-dherag lies test.

1 Timothi 6:12 Iomraidhean Croise

Salmow 63:8

Ow enev a len orthis; dha leuv dhyghow a'm menten.

Lavarow Koth 3:18

Gwydhenn a vewnans yw hi dhe'n re a's syns, ha gwynn y vys neb a's dalghenn fast.

An Gan a Ganow 3:4

Skant nyns yth vy dhiworta, bys pan gevis karadow ow enev. My a settyas dalghenn warnodho, ha ny vynnis y dhelivra bys pan y'n drosen vy a-bervedh yn chi ow mamm, hag a-berth yn chambour an venyn neb a'm omdhuk.

Ysay 44:5

Hemma a lever, ‘Dhe'n Arloedh yth ov’, y gila a vydh gelwys gans hanow Yakob, hag onan arall a vynn skrifa war y leuv, ‘Dhe'n Arloedh’ ha kemmeres an hanow a enor ‘Ysrael’.

Zekaria 10:5

I a vydh avel kasoryon alloesek ow stankya yn leys an stretow yn batel. I a omladh, drefenn bos an Arloedh gansa, hag i a wra bismer dhe varghogyon an vergh.

2 Korinthianys 6:7

yn gwiryonsys a gows, yn nerth Duw, der arvow a ewnder y'n dhorn dhyghow hag y'n dhorn gledh,

2 Korinthianys 9:13

yn prov an menystrans ma hwi a wordh Duw dre wostytter agas avowans a aweyl Krist, ha der agas helder ow kevrenna gansa ha gans tus oll,

Dewteronomi 26:3

ha dos dhe'n oferyas a serv y'n dydhyow na, ha leverel dhodho, ‘My a dhiskler hedhyw dhe'n Arloedh dha Dhuw, devedhys ov dhe'n tir a wrug an Arloedh ti dh'agan tasow y ri dhyn.’

Filippianys 1:30

hag yma genowgh an keth strif a welsowgh ynnov, ha lemmyn a glewowgh bos ynnov.

Kolossianys 3:15

Ha gwres kres Krist rewlya yn agas kolonn, an kres mayth owgh hwi gelwys dhodho yn unn korf; ha godhvydhewgh gras.

1 Thessalonianys 2:12

orth agas ynnia ha'gas kennertha, ha'gas konjorya may hwrellewgh kerdhes gwiw dhe Dhuw usi orth agas gelwel dh'y wlaskor ha'y splannder.

2 Thessalonianys 2:14

Dhe hemma ev a'gas gelwis ynwedh der agan aweyl dhe gavoes splannder agan Arloedh Yesu Krist.

1 Timothi 1:18

An arghadow ma a rov dhis, Timothi ow flogh, war-lergh an geryow a brofoesans kewsys kyns a-dro dhis, may hwrylli omladh dredha an omladh da,

1 Timothi 1:19

ow synsi fydh ha kowses da. Yma tus, ow skonya hemma, re wrug gorhel terrys a'ga fydh;

1 Timothi 4:14

Na wra dispresya an ro usi ynnos a veu res dhiso dre brofoesans gans gorra diwla an henavogyon warnas.

1 Timothi 6:13

My a worhemmynn dhis a-dherag Duw a re bewnans dhe bup-tra ha'n Arloedh Yesu Krist a dhustunias gans professyans da a-dherag Pontius Pilat,

1 Timothi 6:19

ow kuntell tresor ragdha aga honan avel sel da erbynn an termyn a dheu, may hallons synsi an gwir vewnans.

2 Timothi 1:9

a wrug agan selwel ha gelwel gans galow sans, a-der herwydh agan gwriansow agan honan, mes war-lergh y dowl ha'y ras ev a veu res dhyn yn Krist Yesu kyns termyn heb worfenn,

2 Timothi 2:2

ha'n taklow a glewsys dhiworthiv dre lies test, gwra aga gorra yn charj dhe dus lel a vydh gwiw dhe dhyski tus erell ynwedh.

2 Timothi 4:7

My re strivyas an strivyans da ha kowlwul an resegva. My re withas an fydh.

Ebrowyon 13:23

Godhvydhewgh bos livrys agan broder Timothi, gans neb my a'gas gwel, mar teu yn skon.

Ebrowyon 3:14

Rag ni a gevrenn yn Krist pan synsyn agan kynsa fydhyans fyrv dhe'n diwedh.

Ebrowyon 6:18

may fen kennerthys yn krev, pan fiyn rag skovva, dhe dhalghenna an govenek gorrys a-ragon, dre reson dew dra na yll Duw gowleverel ynna.

1 Peder 3:9

heb attyli drog rag drog na despit rag despit, mes yn le henna bennath, rag dhe henna y fewgh hwi gelwys, may hwrellewgh erita bennath.

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.

1 Yowann 2:25

Ha hemm yw an ambos re ambosas dhyn, bewnans heb diwedh.

Lyther Yud 1:3

Hwi garadowyon, ha genev mall dres eghenn a skrifa dhywgh a-dro dh'agan selwyans kemmyn, res o dhymm skrifa dhywgh ow pysi may striffyewgh a-barth an fydh re beu unnweyth kemmynnys dhe'n syns.

Diskwedhyans 3:3

Kovha, ytho, fatell re wrussys degemmeres ha goslowes; ha syns fast, ha kemmer edrek. Mar ny vynn'ta difuna, dos a wrav kepar ha lader, ha ny wre'ta godhvos py eur tyffiv er dha bynn.

Breusysi 3:2

(ny wrug ev henna marnas dhe dhyski dhe henedhow mebyon Ysrael batalyas, an re na'n dhys'sa kyns).