1 Timothi 6:11 - An Bibel Kernewek 20234 (Kernewek Kemmyn)

¹¹ Mes ty, a dhen Duw, fi dhiworth an taklow ma ha ke war-lergh ewnder, sansoleth, fydh, kerensa, perthyans, klorder.

1 Timothi 6:11 Iomraidhean Croise

1 Myghternedh 13:1

Dre er an Arloedh gour Duw a dheuth yn-mes a Yuda dhe Bethel, ha Yeroboam a'y sav ryb an alter rag leski offrynn.

1 Myghternedh 13:26

Pan glewas hemma an profoes neb a'n drosa tre dhiworth an fordh, ev a leveris, ‘Gour Duw yw neb a rebellyas erbynn ger an Arloedh. An Arloedh re'n ros dhe lew, hag ev a'n skwardyas ha'y ladha herwydh an ger a gewsis an Arloedh dhodho.’

1 Myghternedh 17:18

Hi a leveris dhe Elias, ‘Pyth eus yntredhon ni, A wour Duw? Ty re dheuth dhymm rag dri ow hammweyth dhe gov, ha ladha ow mab!’

1 Myghternedh 17:24

Ytho an venyn a leveris dhe Elias, ‘Lemmyn my a woer dha vos gour Duw, ha bos gwiryonedh ger an ARLOEDH y'th hanow.’

1 Myghternedh 20:28

Gour Duw a dheuth ha leverel dhe vyghtern Ysrael, ‘Yndellma y lever an Arloedh: Drefenn Aram dhe leverel, “An Arloedh yw Duw an menydhyow mes nyns yw Duw an nansow”, ytho my a re oll an routh veur ma y'th leuv, ha hwi a wodhvydh ow bos an Arloedh.’

2 Myghternedh 1:13

Arta an myghtern a dhannvonas tressa kapten a hanter-kans. An tressa kapten ma a yskynnas ha mos war dhewlin a-dherag Elias. ‘Gour Duw’, a bysis ev, ‘my a'th pys, re bo drudh ow bewnans ha bewnans an hanter-kans den ma y'th wolok.

2 Myghternedh 1:9

Ena an myghtern a dhannvonas dhodho kapten a hanter-kans gans y hanter-kans den. Ev eth trohag Elias, esa owth esedha war benn bre, ha leverel dhodho, ‘Gour Duw, an myghtern a lever, “Diyskynn!” ’

2 Myghternedh 23:17

Ev a wovynnas, ‘Pyth yw an men-kov a welav?’ Gwer an sita a leveris dhodho, ‘Bedh an profoes a dheuth dhiworth Yuda neb a dharganas an taklow ma re wrussys erbynn an alter yn Bethel’.

2 Myghternedh 5:20

Gehazi, gwas Elisha, gour Duw, a leveris dh'y honan, ‘Ow mester re sparyas Naaman an Aramyas ma, drefenn na dhegemmeras dhiworth y dhiwla an pyth a brofyas ev. Dell vew an Arloedh, my a wra poenya war y lergh ha kemmeres neppyth a-dhiworto.’

1 Kroniklys 23:14

Mes mebyon Moyses, gour Duw, a veu henwys yn mysk loeth Levi.

2 Kroniklys 8:14

Herwydh gorhemmynn Davydh y das, ev a ordenas rannow an oferysi rag aga servis, ha'n Levysi rag aga soedhow a wormola hag a venystra ryb an oferysi avel dever pub-dydhyek dell ve res, ha gwithysi an yetys yn aga rannow rag pub yet; rag yndella y hworhemmynnsa Davydh, gour Duw.

Nehemia 12:24

Ha hembrenkysi an Levysi: Hashabia, Sherebia, ha Yeshua mab Kadmiel ha'ga breder a sevi a-dal dhedha dhe gana gormel ha grasyans dhe Dhuw, an eyl amal ow korthybi dhe'n arall herwydh gorhemmynn Davydh, gour Duw.

Nehemia 12:36

ha'y vreder, Shemaia, Azarel, Milalay, Gilalay, Maay, Nethanel, Yuda, ha Hanani, gans daffar menestrouthi Davydh, gour Duw; hag Ezra an skriba eth a-ragdha.

Salmow 34:14

Treyl dhiworth drog, ha gwra da; hwila kres, ha'y helghya.

Salmow 38:20

Ha'n re a attal drog rag da yw ow eskerens rag my a hol dader.

Lavarow Koth 15:9

Fordh an debeles yw tra gasadow dhe'n Arloedh, mes ev a gar neb a hol ewnder.

Ysay 51:1

Goslowewgh orthiv, hwi hag a jas war-lergh ewnder, hwi hag a hwila an Arloedh. Mirewgh orth an garrek may fewgh treghys dhiworti, hag orth an mengleudh may fewgh pelys dhiworto.

Yeremia 35:4

My a's dros dhe ji an Arloedh yn chambour mebyon Hanan mab Ygdalia, gour Duw, hag esa ogas dhe jambour an bennsevigyon, a-ugh stevell Maaseya mab Shallum, gwithyas an treudhow.

Romanyon 14:19

Holyn ytho taklow a gres ha'n taklow may trehav dredha an eyl y gila.

1 Korinthianys 10:14

Rakhenna, ow haradowyon, fiewgh dhiworth gordhyans idolys.

1 Korinthianys 14:1

Siwyewgh kerensa, mes yeunewgh yn ter an rohow spyrysel, yn arbennik may profoessowgh.

1 Korinthianys 6:18

Gohelewgh fornikasyon. Py pegh arall pynag a wrello den, yn-mes a'n korf yma; mes neb yw dijast a begh erbynn y gorf y honan.

Dewteronomi 16:20

Ewnder – siw ewnder, rag may fewi, hag erita an tir a wra an Arloedh dha Dhuw y ri dhis.

Dewteronomi 33:1

Homm yw an vennath may hwrug Moyses, den Duw, benniga mebyon Ysrael gensi kyns y vernans.

1 Timothi 1:14

Ha gras agan Arloedh a wrug palshe gans fydh, ha'n kerensa usi yn Krist Yesu.

1 Timothi 4:12

Na dhispresys denvyth dha yowynkneth, mes deus ha bos patron dhe'n gryjygyon yn lavar, yn bewedh, yn kerensa, yn fydh, yn glander.

1 Timothi 5:10

gans dustuni a'y gwriansow da, mar magas fleghes, mar ros hi ostyans dhe estrenyon, mar kolghas treys an syns, mar kweresas an re yn anken, mar omros dhe bub gwrians da.

1 Timothi 6:20

A Timothi, gwra gwitha an dra re beu res y'th charj, ow treylya dhiworth lavarow gwag hag ansans, ha tybyansow an eyl kontrari dh'y gila, yw henwys ‘Godhvos’ yn fals;

2 Timothi 2:21

Ytho, mar kwra nebonan purjya y honan dhiworth an taklow ma, lester rag enor vydh, sakrys, servabyl dhe'n mester, parys rag pub ober da.

2 Timothi 2:22

Gwra goheles ytho an drokhwansow a yowynkneth, mes siw ewnder, fydh, kerensa, kres gans an re a elow war an Arloedh yn-mes a golonn lan.

2 Timothi 3:10

Mes ty re siwyas yn tiwysyk ow dyskas, ow fara, ow thowl, ow fydh, ow hirwodhevyans, ow herensa, ow ferthyans,

2 Timothi 3:17

may fo den Duw gwiw ha parys yn leun rag pub ober da.

Ebrowyon 12:14

Hwilewgh kres gans an dus oll ha'n sansoleth, ma na wra denvyth gweles an Arloedh hebdhi.

1 Peder 3:11

Treylyes ev dhiworth drog ha gul dader, hwiles ev kres ha'y siwya;

1 Samuel 2:27

Lemmyn gour Duw a dheuth dhe Eli ha leverel dhodho, ‘Yndellma y lever an Arloedh, “A ny dhiskwedhis vy ow honan yn kler dhe ji dha das pan esens yn Ejyp yn chi Faro?

1 Samuel 9:6

Hag ev a leveris dhodho, ‘Otta lemmyn, yma y'n sita ma gour Duw; ev yw gour enorys; ha pup-tra a lever a dheu ha bos gwir. Deun bys di lemmyn; martesen ev a yll leverel dhyn a-dro dhe'n vyaj mayth eson ni ow vyajya warnodho.’