1 Timothi 5:8 - An Bibel Kernewek 20234 (Kernewek Kemmyn)

⁸ Mes den mar ny dharbar dh'y gerens ev, ha dres oll dh'y deylu ev, ev re naghas an fydh ha gweth es diskryjyk yw ev.

1 Timothi 5:8 Iomraidhean Croise

Jenesis 30:30

rag yth esa boghes genes kyns my dhe dhos, mes ynkressys yw yn feur, ha'n Arloedh re wrug dha venniga plepynag y feuv. Mes lemmyn, p'eur hwrav vy provia rag ow chi ow honan ynwedh?’

Ysay 58:7

A nyns yw ranna dha vara gans an den nownek, ha dri boghosogyon dhiannedh y'th chi; pan welydh den noeth, y gwetha, ha ma na omgudhydh dhiworth dha gig dha honan?

Matthew 18:17

ha mara skon ev dhedha, deriv an dra dhe'n eglos; ha mara skon ev hwath dhe'n eglos, ev bedhes dhiso avel pagan po toller.

Matthew 7:11

Hwi, ytho, ow pos drog, mar kodhowgh ri rohow da dh'agas fleghes, pygemmys moy y re agas Tas y'n nevow dhe'n re a wovynn orto!

Yowann 15:22

Mar ny wrellen vy dos ha kewsel orta, ny's tevia pegh; mes lemmyn nyns eus dhedha askus, dre reson aga fegh.

1 Korinthianys 6:6

Mes broder yw breusys erbynn broder, ha hemma dherag diskryjygyon!

2 Korinthianys 12:14

Otta, parys ov vy dhe dhos dhywgh an tressa gweyth, ha ny vydhav vy begh warnowgh; rag ny hwilav agas pythow, mes hwi. Rag ny dhegoedh dhe'n fleghes kuntell tresor a-barth aga herens, mes an gerens a-barth aga fleghes.

2 Korinthianys 6:15

Ha py kessenyans eus dhe Grist gans Beliar, po py rann eus dhe gryjyk gans diskryjyk?

Galatianys 6:10

Ytho, hedre vo spas dhyn, gwren ni da dhe bubonan, ha kyns oll dhedha i usi a'n teylu a fydh.

2 Timothi 2:12

Mar kwren ni durya, kesreynya ynwedh ganso a wren; mar skonyn, ev ynwedh a wra agan skonya ni.

2 Timothi 3:5

gans semlans sansoleth mes ow nagha y alloes. Treyl dhiworth an re ma.

Titus 1:16

I a lever i dhe aswonn Duw, mes yn aga gwriansow i a'n nagh. Kasadow ha diwostydh yns i hag anwiw rag pub gwrians da.

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.

Diskwedhyans 3:8

‘My a aswonn dha wriansow. Otta, my re worras daras igerys a-dheragos, ha denvyth ny yll y dhegea; rag bos krevder byghan genes, ha re withsys ow ger, ha ny neghsys ow hanow.